“६१ क्विन्टल ३० केजी केराउ, ट्याक्टर सहित मानिस नियन्त्रणमा ”

बर्दिया, भाद्र २२

बर्दिया, मधुबन नगरपालिका वडा नं. ५ गाउँ नं. ११ बडगाँउबाट भे.१ त.९६५५ नं.को ट्याक्टर सहित ६१ क्विन्टल ३० किलोग्राम मटर प्रहरीले बरामद गरेको छ।  जिल्ला प्रहरी कार्यालय बर्दिया र ईलाका प्रहरी कार्यालय सानोश्री बर्दियाबाट खटिएको प्रहरी टोलीले  मधुबन नगरपालिका वडा नं.७ बस्ने वर्ष २० को राम कुमार चौधरीले चलाएको भे.१ त.९६५५ नं.को ट्याक्टरमा लोड गरी चोरी निकासी गरी भारततर्फ लैजादै गरेको  ३९ क्विन्टल ३० किलोग्राम र चोरी निकासी गर्ने उद्देश्यले सोही स्थान नजिकै भण्डार गरी राखेका  २२ क्विन्टल गरी जम्मा मुल्य रू. ४,३०,५००/- बराबरको ६१ क्विन्टल ३० किलोग्राम केराउ फेला पारी रितपुर्वक बरामद गरी ट्याक्टर सहित मानिसलाई नियन्त्रणमा लिई आबश्यक कारबाहीको लागी राजापुर भन्सार कार्यालय गुलरिया बर्दियामा पठाईएको छ ।