करेन्ट लागी मृत्यु

२०७९-०५-१०

A
A^-
A⁺

कपिलवस्तु नगरपालिका ६ रामनगरा बस्ने बर्ष ६५ की बुधना यादव आफ्नै घरमा हेण्ड पम्प चलाई नुहाउने क्रममा करेन्ट लागि उपचारको लागी जिल्ला अस्पताल तौलिहवा ल्याईएकोमा उपचारको क्रममा डाक्टरले मृत्यु घोषणा गरेको । उक्त स्थानमा प्रहरी टोली खटि गई आवश्यक अनुसन्धान कार्य भईरहेको ।

सम्बन्धित समाचार

लागुऔषध सहित मानिस पक्राउ

२०७९-१२-०७

जिल्ला रुपन्देही बुटवल उप-महानगरपालिका वडा नं. ०९ बसपार्क दुर्गा होटल अगाडी खटी गएको प्रहरीको गस्ती टोलीले जिल्ला तनहुं शुक्ला गण्डकी गाउँपालिका १० पातीशर बस्ने बर्ष २७ को नबिन थापालाई शंका लागी चेक जाच गर्दा निजले बोकेको झोलामा डाईजापाम ४५ एम्पुल, फेनारागन ४५ एमपुल, नुफिन ४५ एम्पुल फेला पारी लागुऔषध सहित निजलाई नियन्त्रणमा लिई, थप अनुसन्धान कार्य भइरहेको ।

करेन्ट लागेर मृत्यु

२०७९-१२-०७

नेपालगंज उपमहानगरपालिका-४ न्यूरोड बस्ने ४२ वर्षीया कल्ला कसगरको करेन्ट लागेर सोमबार राति मृत्यु भएको छ । आफ्नै घरमा मोटरको स्विच चलाउने क्रममा करेन्ट लागेर गम्भीर घाइते भएकी उनको उपचारको लागि अस्पतालतर्फ लैजाने क्रममा बाटोमै मृत्यु भएको हो । यस सम्बनधमा प्रहरीले थप अनुसन्धान गरिरहेको छ ।

करेन्ट लागेर मृत्यु

२०७९-११-३०

घोराही उपमगहानगरपालिका-१२ पेदा बस्ने २९ वर्षीय तिलक विकको करेन्ट लागेर सोमबार राति मृत्यु भएको छ । सोही ठाउँ बस्ने चौपाराम बुढाथोकीको घरमा हाईटेन्सन लाईनबाट तार जोड्ने क्रममा करेन्ट लागेर गम्भीर घाइते भएका उनको राप्ती स्वास्थ्य विज्ञान प्रतिष्ठान घोराहीमा उपचारको क्रममा मृत्यु भएको हो । यस सम्बन्धमा प्रहरीले थप अनुसन्धान गरिरहेको छ ।

पत्रकारसंग भेटघाट तथा अन्तरक्रिया कार्यक्रम सम्पन्न ।

२०७९-११-२९

मिति २०७९।११।२९ गते यस लुम्बिनी प्रदेश प्रहरी कार्यालयको आयोजनामा पत्रकारहरुसंग भेटघाट तथा अन्तरक्रिया कार्यक्रम सम्पन्न भयो । उक्त कार्यक्रममा छापा, रेडियो, टेलिभिजन, अनलाईन मिडियामा कार्यरत १८ जना संचारकर्मीहरु लगायत यस कार्यालयका प्र.ना.म.नि. टेक प्रसाद राई ज्यू, प्र.ब.उ. दिपक कुमार बस्नेत ज्यूका साथै अन्य सिनियर प्रहरी अधिकृत, जुनियर प्रहरी अधिकृतहरुको उपस्थिति रहेको थियो । अन्तरक्रिया कार्यक्रममा पत्रकारहरुले समयमै सूचना प्रवाहलाई जोड दिनु पर्ने कुरा राख्नु भयो भने प्र.ना.म.नि. ज्यूले सूचना प्रवाहमा देखिएका समस्यालाई समाधान गरी समयमै सूचना प्रवाह गर्ने कुरामा प्रतिवद्धता व्यक्त गर्नु भयो ।

१६ किलो लागू औषध (चरेश) सहित मानिस पक्राउ

२०७९-११-१३

जिल्ला कपिलवस्तु शिवराज नगरपालिका वडा नं. ९ बिजगौरी बस्ने मेघराज घर्ती मगरको घरमा लागू औषध चरेस लुकाई छिपाई राखेको छ भन्ने गोप्य सूचनाको आधारमा मिति २०७९।११।१३ गते वडा प्रहरी कार्यालय चन्द्रौटा र ईलाका प्रहरी कार्यालय सुन्दरीडाँडा कपिलवस्तुबाट संयुक्त रुपमा खटि गएको प्रहरी अधिकृतको टोलीले मेघराज घर्ती मगरको घरमा खानतलासी गर्दा घर भित्र लुकाई छिपाई राखेको तौल गर्दा १६ किलो लागू औषध चरेश जस्तो देखिने हल्का कालो गिलो पदार्थ फेला पारी मेघराज घर्ती मगरलाई पक्राउ गरी थप अनुसन्धान कार्य भईरहेको ।

गण्डक नहरमा हाम फाली मृत्यु

२०७९-११-०९

जिल्ला नवलपरासी पश्चिम सुस्ता गाउँपालिका-२ हरकपुरा स्थित रहेको गण्डक नहरमा ऐ.२ महलबारी बस्ने तिर्थराम थारुको श्रीमती बर्ष अन्दाजी २९ कि (मानसिक सन्तुलन ठिक नभएको) प्रतिमा थारुले आफ्नो दुई छोरा बर्ष ९ को क्रिश थारु र बर्ष ७ सुमित थारुलाई समेत साथमा लिई पानीमा हाम फाली बेपत्ता भएको भन्ने खबर स्थानिय मार्फत प्राप्त हुनासाथ तत्काल प्रहरी टोली खटि गएको, स्थानीय र प्रहरीको सक्रियतामा खोज तलास गर्दा तिनै जनाको शव मृत अवस्थामा फेला पारी आवश्यक कार्य भईरहेको ।नोट:- निजको श्रीमान रोजगारीको शिलशिलामा भारत रहेको घरमा सासु दुई छोरा र निज महिला रहेको ।