प्रहरी कन्ट्रोल : १००, टोल फ्री नं.: १६६००१४१५१६
नेपा
EN
ट्याक्टर दुर्घटनामा १ जनाको मृत्यु
२०७९-०८-११

जिल्ला नवलपरासी बर्दघाट नगरपालिका-१६ सित्तलबस्ती स्थित भित्री सडक खण्डमा पुर्वबाट पश्चिम तर्फ आउदै गरेको लु ४ त ९१०३ नं. को ट्याक्टरको ट्रली पल्टिन जादा सोही ट्याक्टरमा सवार निम्न ब्यक्तिहरु घाईते भई उपचारको लागी सामुदायिक अस्पताल चिसापानी पठाएको, उक्त स्थानमा प्रहरी टोली खटि गएको, ट्याक्टर र चालक प्रहरीको नियन्त्रणमा ।१. सोही ट्याक्टरमा सवार जिल्ला नवलपरासी बर्दघाट नगरपालिका-१६ सित्तलबस्ती बस्ने बर्ष ३० को खुम मल्ल ठकुरी, अवस्था सिरियस रहेकोमा उपचारको क्रममा मृत्यु भएको । २. सोही ट्याक्टरमा सवार ऐ.ऐ. बस्ने बर्ष २२ को मनोज परियार, अवस्था मध्यम । ३. सोही ट्याक्टरमा सवार ऐ.ऐ. बस्ने अन्दाजी बर्ष २६ को बिजय दमाई, अवस्था मध्यम ।

सबै समाचार
लागूऔषध सहित मानिस पक्राउ
२०७९-०७-२४

दाङ, लमही नगरपालिका ९ अमिलिया स्थित प्रहरीको चेकिङ टोलीले गोप्य सुूचनाका आधारमा नेपालगंज देखि घोराही तर्फ जाँदै गरेको रा ३ प ८८८७ नं. को मोटरसाईकललाई शंका लागी चेकजाँच गर्ने क्रममा चालक जिल्ला दाङ गढवा गाउँपालिका वडा नं. ८ स्थायी वतन भई हाल ऐ. घोराही उपमहानगरपालिका १७ बस्ने बर्ष ३५ को जितबहादुर गुरुङ, ऐ.ऐ. वडा नं. १५ बस्ने बर्ष २० को नविन के.सी. र ऐ.ऐ वडा नं. १७ बस्ने बर्ष २६ को राजिव पुनमगरको साथबाट ब्राउन सुगर जस्तो देखिने पदार्थको ११ वटा सानो पोका फेला पारी निजहरू तिनै जनालाई बरामद भएको लागूऔषध र मो.सा सहित नियन्त्रणमा लिई थप अनुसन्धान कार्य भईरहेको ।

सवारी दुर्घटना
२०७९-०७-२३

 जिल्ला बाँके कोहलपुर नगरपालिका-१३ आर्मी पोष्ट नजिकै पुर्ब तर्फ राजमार्ग सडक खण्डमा पश्चिम देखी पुर्ब तर्फ जादै गर्दा धान लोड गरेको बिग्रिएर रोकी राखेको ना५ख ३४५९ नं. को ट्रकमा सोही दिशा तर्फ जांदै गरेको चालक जिल्ला बाँके बैजनाथ गाउँपालिका ५ जि गाउ बस्ने बर्ष ३० को गणेश योगीले चलाएको भे९प ७१३० नं. को मो.सा. सोही ट्रकको पछाडी ठक्कर खांदा मो.सा. चालक गम्भिर घाईते र मो.सा. मा सवार ऐ.ऐ. बस्ने बर्ष ३५ को जय बहादुर बुढा सामान्य घाईते भई दुबै जनालाई मेडिकल कलेज कोहलपुर बाँकेमा ल्याई चेक जांच गर्दा मो.सा. चालकको मृत्यु भएको, मो. सा. मा सवारको उपचार भईरहेको ।  ट्रक चालक फरार खोजतलास कार्य भईरहेको ।

सवारी दुर्घटनामा १ जनाको मृत्यु
२०७९-०७-१७

जिल्ला कपिलबस्तु वाणगंगा नगरपालिका-९ भर्तापुर स्थित बनगाई जिनुवा भित्री सडक खण्डमा जिनुवाबाट बनगाई तर्फ आउदै गरेको लु ८ प २०६८ नं. को मो.सा. र  बिपरित दिशाबाट जादै गरेको लु २ स १९४७ नं.को अटो एक आपसमा ठक्कर खादा मो.सा.चालक जिल्ला कपिलबस्तु वाणगंगा नगरपालिका-८ बस्ने बर्ष १६ निसान सुनार घाईते भई उपचारको लागी सामुदायिक अस्पताल चार नं पठाईएकोमा थप उपचारको लागी बुटबल पठाईएको, अवस्था मध्यम, उपचारमा बुबा सम्लग्न रहेको, मो.सा.,अटो र अटो चालक प्रहरीको नियन्त्रणमा, मो.सा.चालक निसान सुनारको उपचारको क्रममा भैरहवा मेडिकल कलेजमा मृत्यु भएको ।

६७ औं प्रहरी दिवस २०७९ कार्यक्रम सम्पन्न
२०७९-०६-३१

लुम्बिनी प्रदेश प्रहरी कार्यालय दाङको आयोजनामा लुम्बिनी प्रदेश प्रहरी तालिम केन्द्र बुटवलको प्राङ्गणमा लुम्बिनी प्रदेशका माननीय मुख्यमन्त्री श्री कुल प्रसाद के.सी.ज्यूको प्रमुख आतिथ्यतामा आज मिति २०७९।०६।३१ गते ६७ औं प्रहरी दिवस २०७९ को मुख्य समारोहमा श्रद्धाञ्जली तथा पुनर्मिलन कार्यक्रम भव्यताका साथ सम्पन्न भएको छ । कार्यक्रममा विशेष अतिथिको रुपमा लुम्बिनी प्रदेशका माननीय आन्तरिक मामिला, कानून तथा संचार मन्त्री तिलकराम शर्मा र अतिथिको रुपमा अन्य सुरक्षा निकाय तथा सरकारी कार्यालयका प्रमुख तथा प्रतिनीधिहरू, अमर प्रहरीका परिवार, पूर्व प्रहरी कर्मचारी तथा प्रहरीलाई सहयोग गर्ने विभिन्न व्यक्तित्वहरूको उपस्थिति  रहेको थियो । उक्त अवसरमा समुदाय प्रहरी साझेदारी कार्यक्रम अन्तर्गत विभिन्न क्षेत्रमा प्रहरीलाई सहयोग गर्ने व्यक्तित्वहरूलाई सम्मान गर्ने क्रममा प्रमुख अतिथिबाट सम्मान-पत्र प्रदान गर्नुको साथै नेपाल राष्ट्र र नेपाली जनताको हित एवं प्रतिष्ठा अभिवृद्धि गर्न उल्लेखनीय कार्य गर्ने प्रहरी अधिकृत तथा जवानहरूलाई  विशेष अतिथि  माननीय आन्तरिक मामिला, कानून तथा संचार मन्त्री तिलकराम शर्मा तथा प्रहरी नायव महानिरीक्षक नल प्रसाद उपाध्यायबाट नगद पुरस्कार तथा प्रशंसा-पत्र प्रदान गरिएको थियो ।          लुम्बिनी प्रदेश प्रहरी तालिम केन्द्रका प्र.नि नविन ओलीद्वारा संचालन गरिएको कार्यक्रममा प्रमुख अतिथिबाट अमर प्रहरी स्मारकमा पुष्पहार अर्पण गरी अमर प्रहरीहरूको सम्झनामा शोक सलामी अर्पण गर्नुका साथै कार्यक्रममा उपस्थित प्रहरी अधिकृत तथा जवान प्रशिक्षक तथा प्रशिक्षार्थीहरू र अमर प्रहरीका परिवार, पूर्व प्रहरी कर्मचारीद्वारा अमर प्रहरी स्मारकमा पुष्पगुच्छा अर्पण गरिएको थियो । कार्यक्रममा प्रहरी दिवसका अवसरमा प्रहरी महानिरीक्षक धिरज प्रताप सिंहको शुभकामना सन्देश लुम्बिनी प्रदेश प्रहरी तालिम केन्द्र, बुटवलका समादेशक प्रहरी वरिष्ठ उपरीक्षक बिनोद घिमिरेले बाचन गर्नुभएको थियो । लुम्बिनी प्रदेश प्रहरी प्रमुख श्रीमान प्रहरी नायव महानिरीक्षक नल प्रसाद उपाध्यायज्यूबाट प्रमुख अतिथि, बिशेष अतिथि तथा अन्य आमन्त्रित सम्पूर्ण अतिथि महानुभावहरूमा धन्यवाद ज्ञापन पश्चात कार्यक्रम सम्पन्न भएको थियो ।  

सवारी दुर्घटनामा १ को मृत्यु, १ जना घाईते
२०७९-०६-१८

बर्दिया गुलरिया नगरपालिका-८ निलो पेट्रोलपम्प नजिकै हुलाकी सडकखण्डमा पुर्बबाट पश्चिमतर्फ आउँदै गरेको जिल्ला बर्दिया बढैयाताल गाउँपालिका-५ फूलबारी बस्ने बर्ष १८ को सतीराम चौधरीले चलाएको भे३प ४६९४ नं. मो.सा. आफै अनियन्त्रित भई दुर्घटना हुँदा मो.सा. चालक र सोही मो.सा. मा सवार ऐ.ऐ. बस्ने बर्ष १८ को धनबीर चौधरी गम्भिर घाईते भई, दुबैजना घाइतेको बर्दिया अस्पताल गुलरियामा उपचार भईरहेको, उक्त स्थानमा प्रहरी टोली खटिएको, मो.सा. प्रहरीको नियन्त्रणमा ।मो.सा. चालक सतीराम चौधरीको उपचारको क्रममा मृत्यु भएको, मृतक लाश बर्दिया अस्पतालमा रहेको, धनबीर चौधरी थप उपचारको लागि नेपालगंज रिफर भई गएको ।

प्रभात फेरी कार्यक्रम सम्पन्न
२०७९-०६-०३

असोज-३ गते, जिल्ला रुपन्देही बुटवल उप-महानगरपालिका-१० स्थितबाट आन्तरिक मामिला कानून तथा संचार मन्त्रालयको आयोजनामा (संबिधान दिवस, २०७९ को अवसरमा प्रभात फेरी) कार्यक्रम प्रमुख अतिथि लुम्बिनी प्रदेश प्रमुख माननीय श्री अमिक शेरचन र प्रमुख अतिथि माननीय मुख्य मन्त्री श्री कुल प्रसाद के.सी.ज्यूको अध्यक्षतामा  सुरु भएको उक्त कार्यक्रममा लुम्बिनी प्रदेशका मन्त्रीहरू, प्र.जि.अ. भरतमणि पाण्डे, नेपाली सेनाको सहायक रथी नवराज गुरुङ, लुम्बिनी प्रदेश प्रहरी कार्यालय, दाङका प्रमुख प्र.ना.म.नि. नल प्रसाद उपाध्याय, स.प्र.ई.का.भैरहवाका प्रमुख प्र.ब.उ.शिद्धीबिक्रम शाह, प्र.ता.के.बुटवलका प्रमुख प्र.ब.उ. सुरेन्द्र प्रसाद मैनाली, नेपाल प्रहरी रामार्ग सुरक्षा तथा ट्राफिक व्यवस्थापन कार्यालय, बुटवलका प्रमुख प्र.उ. योगेन्द्र सिंह थापा, जिल्ला प्रहरी कार्यालय रुपन्देहीका प्रमुख प्र.उ. रबिन्द्र रेग्मी, स.प्र.बल नेपाल २७ नं. गणका स.प्र.उ. गगन श्रेष्ठ, विभिन्न संघ संस्थाका पदाधिकारीहरू लगायत अन्दाजी १५०० उपस्थिति रहेको थियो । उक्त प्रभात फेरी कार्यक्रम बुटवल चौराहाबाट सुरु भई अन्तराष्ट्रिय सम्मेलन केन्द्रमा पुगी कार्यक्रम गरी सम्पन्न भएको थियो ।

लागूऔषध सहित पक्राउ
२०७९-०६-०२

दाङ लमही नगरपालिका-९ अमिलिया स्थित अमिलिया चोकमा घोराहीबाट भारतको दिल्ली तर्फ जाँदै गरेको ना.७ ख. ९०५ नं.को बसलाई गोप्य सूचनाको आधारमा प्रहरी टोलीले नियन्त्रणमा लिई चेक जाँच गर्ने क्रममा उक्त बसमा सवार निम्न स्थान बस्ने, निम्न ब्यक्तिहरुबाट निम्न परिमाणमा चरेस जस्तो देखिने प्लाष्टिकमा बेरेको गिलो पदार्थ सहित फेला पारी निजहरुलाई नियन्त्रणमा लिई थप अनुसन्धान कार्य भईरहेको ।                                                       निम्न :-१) जिल्ला दाङ घोराही उप-महानगरपालिका-१३ डुमरगाँउ बस्ने बर्ष ४० की सुशिला गिरीको साथ बाट ४ के.जी. २६५ ग्राम । २) जिल्ला रोल्पा लिबाङ नगरपालिका ६ कोटगाँउ घर भई हाल जिल्ला दाङ घोराही उप-महानगरपालिका-१३  सेवार बस्ने बर्ष ३८ की खुशी पुन मगर भन्ने एकता पुन मगरको साथबाट २ के.जी. ९५ ग्राम गरी दुवैको साथबाट प्लाष्टिक सहित तौल गर्दा जम्मा ६ के.जी. ३६० ग्राम बरामद भएको ।

भरुवा बन्दुक सहित मानिस नियन्त्रणमा :-
२०७९-०५-१२

दाङ १२ भाद्र, दाङ, गढवा नगरपालिका वडा नं. ७ ज्वती सामुदायिक बनबाट राम बहादुर चौधरीलाई भरुवा बन्दुक, बारुद, केप, फलामको गोली र छर्रा सहित पक्राउ गरिएको छ ।  मिति २०७९।०५।११ गते १८:४० बजे ज्वती सामुदायिक बनमा शिकार खेल्न गएको भन्ने विशेष सूचनाको आधारमा ईलाका प्रहरी कार्यालय गढवाबाट प्र.नि. रन्जु के.सी. को कमाण्डमा ७ जनाको टोली खटि गएको थियो । प्रहरी टोलीले जिल्ला दाङ, राजपुर गाँउपालिका वडा नं. १ कठबेरुवा बस्ने बर्ष ४२ को राम बहादुर चौधरीबाट लोड गरेको भरुवा बन्दुक  थान १ (एक नाले), बारुद १०० ग्राम,  केप थान ४ , फलामको गोलि १९ वटा  र फलामको छर्रा १२६ वटा बरामद गरेको छ । बरामद भएको भरुवा बन्दुक लगायतका सामान सहित निज राम बहादुर चौधरीलाई नियन्त्रणमा लिई थप अनुसन्धान गरिरहेको छ ।

सवारी दुर्घटना
२०७९-०५-१०

रोल्पा माडी गाउँपालिका ४ बेर्सावाङ स्थित शहिद मार्गमा सिस्नेबाट घर्तिगाउँ रोल्पा तर्फ आउँदै गरेको बा ७ च ५००२ नं.पिकअप बोलेरो गाडी सडकबाट १०० मिटर तल खोलामा खसेको भनि मिति २०७९।०५।११ गते ०७:३० बजे जानकारी प्राप्त हुनासाथ प्रहरी टोली खटिई बुझ्दा अनियन्त्रित भई खोलामा खसेको, चालक जिल्ला नुवाकोट ककनी नगरपालिका २ बस्ने बर्ष ३१ को बुद्धि बहादुर लामाको घटनास्थलमा नै मृत्यु भएको, लाश र गाडी खोलामा रहेको, निकाल्ने कार्य भईरहेको र सह-चालक जिल्ला वैतडी पाटन नगरपालिका-४ बस्ने बर्ष २२ को मनोज चन्द अवस्था मध्यम निजलाई उपचारको लागि स्मृती अस्पताल घर्तिगाउँ रोल्पा पठाईएको ।

लागूऔषध सहित ४ जना पक्राउ
२०७९-०५-०७

दाङ तुलसीपुर उप-महानगरपालिका वडा नं. ५  उद्योगवाणिज्य टोल स्थित अल बहादुर बाँठाको पुरै घर जिल्ला सल्यान शारदा नगरपालिका वडा नं. ११ खैरावाङ घर भएका दिपेश कृष्ण बुढाथोकीले भाडामा लिई निजले जिल्ला दाङ तुलसीपुर उप-महानगरपालिका वडा नं. ६ घर भएका जनक बुढाथोकीलाई कोठा भाडामा दिएकोमा सोही कोठामा अबैध लागूऔषध ट्रामाडोलको कारोवार भई राखेको भन्ने गोप्य सूचनाको आधारमा प्रहरी टोलीले सोही कोठामा निम्न मानिसहरु समेत कोठा भित्र बसी लागूऔषध ट्रामाडोल कारोवार गरी राखेको अवस्थामा फेला पारी उक्त कोठा तथा निजहरुको शरिर रित पुर्वक खानतलासी गर्दा काठको टेबुलको घर्रामा लुकाएर राखिएको कालो प्लाष्टिकमा राखिएको २५२(२५२x१०=२५२०) पत्ता र प्रयोग गरि बाँकी रहेको ८ वटा ट्यावलेट गरी जम्मा २५२८ ट्यावलेट, निजहरुले लागूऔषध ट्रामाडोल र एक थान चक्कु समेत बरामद गरी लागूऔषध कारोवार गर्ने चार जनालाई पक्राउ गरी थप अनुसन्धान कार्य भई रहेको ।                                                         निम्न :-१. जिल्ला दाङ तुलसीपुर उप-महानगरपालिका वडा नं. ६ गाईडर बस्ने बर्ष २४ को जनक बुढाथोकी ।२. ऐ.ऐ.वडा नं. १ भमके बस्ने बर्ष २८ को बसन्त साहुँ भन्ने भिम बहादुर वि.क.।३. ऐ.ऐ. बस्ने बर्ष २६ को मिलन वि.क.भन्ने चुर्ण बहादुर वि.क.। ४. जिल्ला दाङ बबई गाउँपालिका वडा नं. ५ हापुरे बस्ने बर्ष २२ को बसन्त रिजाल भन्ने हिरालाल पंगाली ।

कुटपिट गरी मानिस मारेको अभियोगमा २ जना पक्राउ
२०७९-०५-०६

महाराजगंज नगरपालिका-२ पडरीया बस्ने बर्ष ६३ को अब्दुल हक मुसलमान र सोहि ठाउँ बस्ने निजको छोरा बर्ष २० को सम्साद मुसलमानले कुटपिट गरी मानिस मारेको अभियोगमा पक्राउ परेका छन् । मिति २०७९/०५/०६ गते १२:३० बजे सम्साद मुसलमान र अब्दुल हक मुसलमानले स्थानीय सिचाँई कुलोको विषयलाई लिएर सोहि ठाउँ घर भएका बर्ष ६८ को अब्दुल जब्बार धुनिया र  बर्ष ३८ को अब्दुल रहमानलाई कुटपिट गर्दा घाईते भएका थिए । घाईतेहरु मध्ये अब्दुल जब्बार धुनियाको जिल्ला अस्पताल तौलिहवामा उपचार भईरहेकोमा दिउँसो १३:२० बजे उपचारको क्रममा मृत्यु भएको छ । कुटपिट गर्ने सम्साद मुसलमान र अब्दुल हक मुसलमानलाई नियन्त्रणमा लिई प्रहरीले थप अनुसन्धान गरि रहेको छ । 

सवारी दुर्घटना
२०७९-०५-०४

रुपन्देही तिलोत्तमा नगरपालिका-१ शंकरनगर चोक स्थित बुटवल भैरहवा हाईवे सडक खण्डमा बुटवलबाट भैरहवा तर्फ जाँदै गरेको लु २१ प ९५९४ नं.को स्कुटर आफै अनियन्त्रित भई पल्टन जाँदा स्कुटर पछाडी सवार जिल्ला रुपन्देही ओमसतिया गाउँपालिका-१ बस्ने बर्ष अन्दाजी २४ को धन बहादुर पौडेल क्षेत्री र स्कुटर चालकको नामथर वतन नखुलेको दुबै घाईते भएको अवस्था सिरियस उपचारको लागी लुम्बिनी प्रादेशिक हस्पिटल बुटवल पठाइएको, उक्त स्थानमा प्र.स.नि.कमल भट्टराईको कमाण्डमा ३ जनाको प्रहरी टोली खटिई गएको, स्कुटर प्रहरीको नियन्त्रणमा रहेको । थप अपडेट: स्कुटर चालक जिल्ला रुपन्देही ओमसतिय गाउँपालिका-१ बस्ने बर्ष अन्दाजी ३० को शंकर पुनको उपचारको क्रममा मृत्यु भएको र पछाडी सवार धन बहादुर पौडेल क्षेत्रीलाई मेडिकल कलेज भैरहवा रिफर गरिएको ।  

करेन्ट लागी मृत्यु
२०७९-०५-०४

बाँके नेपालगंज उप-महानगरपालिका-१७ ढोडेगाउँ स्थित ऐ.बस्ने बर्ष ४० को पर्शुराम कलवारको छोरा बर्ष २५ को बब्लु कलवारलाई आफ्नै भे १ स ७१४० नं.को ब्याट्रीवाला अटो रिक्सा चार्ज गर्ने क्रममा एक्कासी करेन्ट लाग्न गई निजलाई छुटाउने क्रममा निजको बुवा पर्शुराम कलवार र निजकै हजुर आमा बर्ष ८५ की रामराज कलवारलाई समेत  करेन्ट लागी बब्लु कलवारको घटनास्थलमा नै मृत्यु भएको लास घटनास्थलमा रहेको, पर्शुराम कलवारको उपचारको क्रममा नर्सिङहोम नेपालगंज बाँकेमा मृत्यु भएको र रामराज कलवारको  नर्सिङहोम नेपालगंज बाँकेमा उपचार भई रहेको अवस्था सामान्य घटनास्थलमा प्रहरी टोली खटि गएको ।

सवारी दुर्घटना
२०७९-०५-०२

दाङ, घोराही उप-महानगरपालिका १३ स्थित बनगाँउ देखी घोराही तर्फ आउदै गरेको रा.१ ह. ३०९४ न.को अटो आफै अनियन्त्रीत भई दुर्घटना हुन जाँदा निम्न स्थान बस्ने निम्न ब्यक्तिहरु घाईते भई उपचारको लागी राप्ति स्वास्थ्य बिज्ञान प्रतिष्ठान घोराही दाङ तर्फ पठाईएको, उक्त स्थानमा प्रहरी टोली खटी गएको, अटो र अटो चालक प्रहरीको नियन्त्रणमा रहेको ।                                             निम्न घाईतेहरु :-१) जिल्ला दाङ घोराही उप-महानगरपालिका-१३ बस्ने बर्ष ११ को साहिल गिरी, अवस्था मध्यम ।२) ऐ. बस्ने बर्ष ४२ की निर्मला गिरी, अबस्था मध्यम ।३) ऐ. बस्ने बर्ष ६० की अस्मानी चौधरी, अबस्था मध्यम ।

हातहतियार खरखजाना तथा विष्पोटक पदार्थ सहित मानिस नियन्त्रणमा
२०७९-०४-३०

दाङ, ३० साउन             बर्दिया, बारबर्दिया नगरपालिका वडा नं. ६ मनिकापुर बस्ने वर्ष ५६ को निमलाल शर्मा हातहतियार खरखजाना सहित पक्राउ परेका छन् । केहि दिन अगाडी बर्दिया राष्ट्रिय निकुञ्जमा सिकार गर्न गएको सि.सि. टि.भि. फुटेजमा देखिन आएपछि आइतवार दिउँसो नेपाल प्रहरी, नेपाली सेना र राष्ट्रिय निकुञ्जका प्रमुख सहितको टोलीले निजको घरमा खानतलासी गर्दा निम्नानुसारका हातहतियार खरखजाना बरामद भएको छ । बरामद भएको हातहतियार खरखजाना सहित निमलाल शर्मालाई नियन्त्रणमा लिई बर्दिया राष्ट्रिय निकुञ्जको कार्यालय ठाकुरद्वारबाट थप अनुसन्धान भई रहेको छ ।                         निम्न १.     दुई नाले बारा बोर  बन्दुक थान १ ,ऐ को गोली राउण्ड थान ३ ।२.     ३०३ राईफलको गोली राउण्ड थान ४ ।३.     8mm kf लेखिएको गोली राउण्ड थान १६ ।४.      OFV A7  60 गोली राउण्ड थान १२ ।५.      OFV 2010 5.56  गोली राउण्ड थान २ ।६.      MK3 EXPLOSIVE थान १ ।७.      PEK अं. १०० ग्राम ।८.      १२ बोर काटुस थान ८ ।९.      पटाका २१ रोल ।

प्युठानमा सवारी दुर्घटनाबाट ३ जनाको मृत्यु १५ घाइते
२०७९-०४-२९

प्युठान, नौबहिनी गाँउपालिका वडा नं. ६ बहाने बजार नजिकै घुम्तिमा बाग्दुलाबाट डाम्रितर्फ जाँदै गरेको लु १ ज १५४८ नं. को जिप आज साँझ ५ आफै अनियन्त्रित भई सडकबाट ४० मिटर तल खस्दा ३ जना मानिसको मृत्यु भएको छ भने १५ जना घाइते भएका छन् । मृत्यु हुनेमा चालक जिल्ला प्युठान, नौबहिनि गाँउपालिका वडा नं. ५ बस्ने वर्ष २५ को लुकेश थापा, सोही घर भएकी रेमसरा बुढामगरकी छोरी वर्ष ४ की करुणा बुढामगर र निजकै छोरी २५ दिनकी चेतना बुढामगर रहेका छन् । अन्य घाइतेहरुलाई उपचारका लागि जिल्ला अस्पताल प्युठानमा पठाइएको छ।  घाईतेहरु:-१.    जिल्ला प्युठान ऐरावती गा.पा.५ खवाङ बस्ने बर्ष २८ को गोबिन्द के.सि. ।२.    ऐ.नौबहिनि गा.पा. २ लिघा बस्ने बर्ष २६ की लक्ष्मी घर्तिमगर ।३.    ऐ. बस्ने बर्ष ५२ को मिनराम सुनार ।४.    ऐ. बस्ने बर्ष ३० को दल ब. खत्री ।५.    ऐ. १ बस्ने बर्ष २६ को ईन्द्र ब. बुढामगर ।६.    ऐ. ५ बस्ने बर्ष २३ को रबिन घर्तिमगर  ।७.    ऐ.ऐ. बर्ष १८ कि धनमाला थापामगर ।८.    ऐ.ऐ. बर्ष ११ को रोशन थापा मगर  ।९.    ऐ.ऐ.बर्ष २८ को हुम ब. बुढामगर  ।१०.    ऐ.ऐ.बर्ष २८ को मिनराज राना क्षेत्री  ।११.    ऐ.ऐ. बस्ने बर्ष ६० की दिल सरी बि.क.  ।१२.    जिल्ला रोल्पा लुङ्ग्री गा.पा. १ बस्ने बर्ष १२ की अस्मिता पुन मगर ।१३.    जिल्ला प्युठान नौबहिनि ५ बस्ने बर्ष २२ की दिलमाया थापा  ।१४.    ऐ.ऐ. बस्ने बर्ष ११ की रियासा थापा ।१५.    ऐ. बस्ने बर्ष २५ की रेमसरा बुढामगर ।

सवारी दुर्घटनामा एक जनाको मृत्यु
२०७९-०४-२९

नवलपरासी (पश्चिम), रामग्राम नगरपालिका-५ बाईपास चोकस्थित सडकमा बागमती प्रदेश ०३-००१ क ०१८९ नम्बरको ट्रक र लु.१ ख ९५७७ नम्बरको बस शनिबार दिउँसो एकआपसमा ठोक्किदा बसमा सवार नवलपरासी (पश्चिम) बर्दघाट नगरपालिका-१२ बस्ने ३० वर्षीया बिनु शाहीको मृत्यु भएको छ । दुर्घटनामा गम्भीर घाइते भएकी उनको मेडिकल कलेज भैरहवामा उपचारको क्रममा मृत्यु भएको हो । साथै दुर्घटनामा घाइते भएका बसमा सवार १ जनाको सोही अस्पतालमा र १ जनाको लुम्बिनी सिटी अस्पताल बुटवलमा उपचार भइरहेको छ । दुवै सवारी साधन र चालकलाई प्रहरीले नियन्त्रणमा लिई थप अनुसन्धान गरिरहेको छ ।

प्र.ना.उ. सवार TATA Yodha Pickup Van दुर्घटना ।
२०७९-०४-२८

रूकुम पूर्व साउन, २८ मिति २०७९।०४।२८ गते ११:०० बजेको समयमा जिल्ला प्रहरी कार्यालय रूकुम पूर्वका कार्यालय प्रमुख प्र.ना.उ. प्रकाश डाँगी  र प्रमुख जिल्ला अधिकारी तुलराम सुनुवारको टोली ई.प्र.का. तकसेरा रूकुम पूर्वको कार्यालय निरीक्षणको लागी बिहान ०९:१५ बजेको समयमा ई.प्र.का. तकसेरा रूकुम पूर्वको लागी लु.१ झ. ६६० नम्बरको TATA Yodha Pickup Van मा हिडेकोमा जिल्ला रूकुम पूर्व पुथा उत्तर गंगा गाउँपालिका ११ को तल्लो सेरा भन्ने स्थानको घुम्तीमा गाडी मोड्ने क्रममा प्र.ना.उ. प्रकाश डाँगी चढेको Pickup VAN अचानक उक्त घुम्तीबाट अन्दाजी १२० मिटर तल खस्दा उक्त गाडीमा सवार प्र.ना.उ. डाँगी र अन्य ५ जना गरी जम्मा ६ जना प्रहरी कर्मचारीहरू घाईते भएका छन, प्र.जि.अ. तुलराम सुनुवार भने जिल्ला प्रशासन कार्यालयको आफ्नै गाडीमा सवार रेहको, र उक्त दुर्घटना स्थलमा प्रमुख जिल्ला अधिकारी, स्थानिय निकाय तथा जनप्रतिनिधिहरू, ई.प्र.का. तकसेरा रूकुम पूर्वको प्रहरी टोली र स्थानियको वासिन्दाहरूको सहयोगमा उद्दार गरी घाईते प्रहरी कर्मचारीहरूलाई पुथा उत्तर गंगा गा.पा. ११ डिखिउ भन्ने स्थानमा रहेको हेलिप्याडमा लगी नेपाली सेनाको हेलिकप्टरद्धारा थप उपचारको लागी कोहलपुर मेडिकल कलेज नेपालगंज लगिएको ।निम्नः-१ प्र.ना.उ.प्रकाश डाँगीको दाहिने हातको कुम भाँचिएको तथा शरिरको विभिन्न भागहरूमा चोट अवस्था मध्ययम हाल थप उपचारको लागी Nursing Home Nepalgunj रिफर गरिएको ।२.स.प्र.ना उ.रबिन्द्र श्रेष्ठ  मुखमा चोट अवस्था मध्यम ।  ३ चालक प्र.ह.कुमार सिंह डाँगीको टाउकोमा चोट मध्यम मध्यम ।४ जिल्ला रोल्पा सुनिलस्मृति गाउँपालिका वडा नम्बर २ एलबाङ घर भई जिल्ला प्रहरी कार्यलय रूकुम पूर्वमा कार्यरत प्रहरी जवान लक्ष्मण पुन मगरको टाउकोमा चोट  लागी अवास्था गम्भिर भएकोमा हाल नेपालगंज मेडिकल कलेज कोहलपुर बाँकेमा उपचारको क्रममा १६:२० बजेको समयमा मृत्यु भएको ।५ प्र.ज.सन्तोष बुढा अवस्था मध्ययम ।६ प्र.ज.ईन्द्र घर्ती मगरको कान च्यातिएको अवस्था मध्यम  ।

लागूऔषध सहित मानिस नियन्त्रणमा:
२०७९-०४-२४

कपिलवस्तु, मायादेवी गाँउपालिका वडा नं. ०१ ईमिलियाबाट लागूऔषध ब्राउनसुगर जस्तो देखिने बस्तुसहित जिल्ला, रुपन्देही सैनामैना नगरपालिका वडा नं. ५ वुद्धनगर बस्ने अन्दाजी वर्ष २७ को जनकराम घिमिरे पक्राउ परेका छन् ।  मिति २०७९।०४।२३ गते १७:४० बजेको समयमा ईमिलिया स्थित बगदी - पकडी  भित्री सडक खण्डमा पकडीबाट वगदीतर्फ जाँदै गरेको लु  ८२ प ३२२५ नं. को मोटरसाईकललाई प्रहरीले चेकजाँच गर्ने क्रममा निज जनकराम घिमिरेको साथबाट अन्दाजी २ ग्राम लागूऔषध ब्राउनसुगर जस्तो देखिने धुलो पदार्थ फेला परेको हो । निज जनकराम घिमिरेलाई मोटरसाईकल सहित प्रहरीले नियन्त्रणमा लिई थप अनुसन्धान गरिरहेको छ  ।

देबरद्वारा भाउजुमाथि चक्कु प्रहार गरी घाइते बनाएको
२०७९-०४-२३

दाङ २३ साउन, नवल्परासी पश्चिम, सुनवल नगरपालिका वडा नं. ५ हर्दिया बस्ने बर्ष ३२ को बिशाल खड्काले मिति २०७९।०४।२२ गते राती १०:२० बजेको समयमा आफ्नै भाउजु बर्ष २८ की ममता खड्काको घाँटीमा चक्कु प्रहार गरी घाईते बनाएको भन्ने जानकारी प्राप्त हुनासाथ घटनास्थलमा प्र.नि. बिष्णु पौडेलको कमाण्डमा ५ जनाको टोली खटि गई निज बिशाल खड्कालाई नियन्त्रणमा लिने क्रममा ईलाका प्रहरी कार्यालय, सुनवलमा कार्यरत प्रहरी हबल्दार खिम बहादुर गुरुङको घाँटीमा समेत सोही चक्कुले प्रहार गरी घाईते बनाएकोमा  घाइतेहरुको देवदह मेडिकल कलेज भलुही, रुपन्देहीमा उपचार भई रहेको छ । निज बिशाल खड्कालाई प्रहरीले नियन्त्रणमा लिई थप अनुसन्धान गरिरहेको छ ।

मोटरसाईकल दुर्घटनाबाट १ को मृत्यु १ जना घाईते:
२०७९-०४-२३

दाङ २३ साउन,  बर्दिया, मधुवन नगरपालिका वडा नं. ४ मख्खन चौक हुलाकी सडकखण्डमा मिति २०७९।०४।२२ गते राती ११:४० बजेको समयमा भुरीगाउँतर्फबाट आउँदै गरेको भे १२ प ७३५ नं. को मोटरसाइकल आफै अनियन्त्रित भई दुर्घटना हुँदा मोटरसाइकल चालक मधुवन नगरपालिका ४ बाँदरभरिया बस्ने बर्ष ३० को सुनिल चौधरी र सोही बेलुवा बस्ने वर्ष २७ की सोनिया थारु गभ्मिर घाईते भएका थिए । घाइते सोनिया थारुको बर्दिया अस्पताल गुलरियामा उपचारको क्रममा मिति २०७९।०४।२३ गते राती ००:४८ बजेको समयमा मृत्यु भएको छ भने घाइते सुनिल चौधरीको नर्सिङहोम नेपालगंजमा उपचार भई रहेको छ । दुर्घटनाग्रस्त मोटरसाईकल प्रहरीले नियन्त्रणमा लिई थप अनुसन्धान गरिरहेको छ ।

“अपराध अनुसन्धान सम्बन्धी समस्या र सामाधनका उपायहरु” विषयक प्रदेश स्तरीय एक दिवसिय समिक्षा गोष्ठी सम्पन्न ।
२०७९-०४-२०

       आज मिति २०७९।०४।२० गते  शुक्रबार  लुम्बिनी प्रदेश प्रहरी कार्यालय दाङको आयोजनामा नेपाल प्रहरी प्रधान कार्यालय अपराध अनुसन्धान विभाग नक्साल, काठमाण्डौको सहकार्यमा अपराध अनुसन्धानलाई वस्तुपरक,तथ्यपरक,प्रमाणमुखी  र पारदर्शी बनाउने उद्देश्यका साथ “अपराध अनुसन्धान सम्बन्धी समस्या र सामाधनका उपायहरु”  विषयक प्रदेश स्तरीय एक दिवसिय समिक्षा गोष्ठी कार्यक्रम लुम्बिनी प्रदेश सरकारका आन्तरिक मामिला,कानून तथा संचार मन्त्री माननीय तिलकराम शर्मा ज्यूको अध्यक्षतामा  सम्पन्न भयो ।उक्त कार्यक्रममा नेपाल प्रहरी प्रधान कार्यालय अपराध अनुसन्धान विभाग, लुम्बिनी प्रदेश प्रहरी कार्यालय मातहतका १२ वटै जिल्ला प्रहरी कार्यालय प्रमुखबाट अपराध अनुसन्धान र यसका समस्या तथा समाधानका विषयमा प्रस्तुतिकरण गर्नु भएको थियो । उक्त कार्यक्रममा नेपाल प्रहरी प्रधान कार्यालय अन्वेषण योजना तथा विकास निर्देशनालयका प्रमुख प्रहरी नायव महानिरीक्षक भीम प्रसाद ढकाल ज्यूले कार्यक्रमको उद्वेश्यमाथी प्रकाश पार्दै स्वागत मन्तब्य राख्नु भएको थियो । उच्च सरकारी वकिल कार्यालयका सह- न्यायाधिवक्ता मोहन सागर बस्याल, आन्तरिक मामिला कानून तथा संचार मन्त्रालयका सचिव कोमल प्रसाद धमला र प्रमुख जिल्ला अधिकारी भरतमणि पाण्डे, मुख्य न्यायाधिवक्ता मा. श्री कृष्ण सुवेदी ज्यूहरुले शुभकामना मन्तव्य दिनु भएको थियो । विभिन्न सरकारी तथा सामाजिक संघ संस्थाका प्रमुख ज्यूहरुको समेत उपस्थिती रहेको उक्त कार्यक्रममा लुम्बिनी प्रदेश प्रहरी प्रमुख प्रहरी नायव महानिरीक्षक नल प्रसाद उपाध्याय ज्यूले धन्यवाद ज्ञापन गर्नुका साथै छलफल अन्तरक्रियामा उठेका विषयहरुमाथी प्रष्ट पार्नु भएको थियो । केन्द्रिय अनुसन्धान व्यूरोका प्रमुख प्रहरी अतिरिक्त महानिरीक्षक उत्तमराज सुवेदी ज्यूले  अपराधको बदलिदो प्रवृतीका साथै समसामयिक बिषयमा उपस्थित सम्पूर्ण प्रहरी कर्मचारीहरुलाई निर्देशन दिनु भएको थियो ।

श्रीमान श्रीमती मृत अवस्थामा फेला परेको।
२०७९-०४-१०

बाँके, श्रावण १०जिल्लाको कोहलपुर नगरपालिका वडा नं. १४ पार्वतिपुरमा आफ्नै घर भित्र श्रिमान श्रिमती मृत अवस्थामा फेला परेका छन्। मृत फेला पर्नेमा सोही घर भएका वर्ष २२ को मम्मु भन्ने कृष्ण गडरिया र निजको श्रीमती वर्ष २१ की अन्जली गडरिया रहेका छन् । अन्जली गडरियाको घाँटीमा पलाष्टिकको डोरी बटारिएको अवस्थामा घरभित्र कोलियामा र मम्मु भन्ने कृष्ण गडरियाको बाँया हातमा काटिएको अवस्थामा भान्सा कोठा भित्र मृत अवस्थाम फेला परेका थिए। घटनास्थलमा प्र.ना.उ. ऐन बहादुर मल्लको कमाण्डमा डग सहित १३ जनाको टोली खटिएको र तालुक जि.प्र.का. बाँकेबाट प्र.उ. श्याम कृष्ण अधिकारी कमाण्डमा १५ जनाको टोलि खटि गई घट्नाको थप अनुसन्धान भई रहेको छ ।  

२ नाल भरुवा बन्दुक वेवारिसे अवस्थामा फेला पारेको।
२०७९-०४-०७

रुकुम(पूर्व),  ७ श्रावण जिल्लाको भुमे गाँउपालिका वडा नं. ७ डाग्रीवाङको जंगलबाट बेवारिसे अवस्थामा रहेका २ नाल भरुवा बन्दुक प्रहरीले फेला पारेको छ ।  मिति २०७९।०४।०७ गते अन्दाजी २०:०० बजे विशेष सुचनाको आधारमा भुमे गाँउपालिका वडा नं ७ स्थित डाग्रीवाङको जंगलमा  प्र.नि. कृष्ण वहादुर खत्रीको कमाण्डमा प्रहरी टोली खटिई गई खोजतलास गर्दा (१ नाल साबुत र १ नाल वेसाबुत) गरी जम्मा २ नाल भरुवा बन्दुक वेवारिसे अवस्थामा फेला परेको हो ।  बेवारिसे अवस्थामा फेला परेका भरुवा बन्दुक जिल्ला प्रहरी कार्यालय रुकुम पुर्वमा लिई थप अनुसन्धान भई रहेको छ ।

लागुऔषध सहित मानिस नियन्त्रणमा ।
२०७९-०४-०६

कपिलवस्तुः ६, श्रावणमिति २०७९।०४।०६ गते २०:०० बजे जिल्ला कपिलबस्तु कपिलबस्तु न.पा. ४ कोदौहा चोक स्थित तौलिहवाबाट कृष्णनगर तर्फ जादै गरेको रा ६ प ८२१३ नं.को मोटरसाईकल चेक जाँच गर्ने क्रममा जिल्ला कपिलवस्तु कृष्णनगर नगरपालिका वडा नं.२ मस्जितटोल बस्ने जमालुद्दीन सिद्दीको छोरा बर्ष ३० को अब्दुल अलिम सिद्दीले चलाएको मो.सा सोही मो.सा. पछाडी सवारजिल्ला कपिलवस्तु कृष्णनगर नगरपालिका वडा नं.२ मस्जितटोल बस्ने अस्गर अली मुसलमान मो.सा.को सिट भित्र लुकाई छिपाई राखेको अवस्थामा कालो प्लाष्टिक फेला परेको उक्त कालो प्लाष्टिक खोली हेर्दा नेपालमा प्रतिबन्धीत औषधी NITRAVET -10 लेखेको ४ वटा फायल फेला परेको प्रत्येक फायलमा १५/१५ वटाका दरले ६०(साठी) ट्याब्लेट रहेको र  सोही प्लाष्टिकमा दुई वटा सानो पार्दर्शी सेतो प्लाष्टिक रहेको सो प्लाष्टिकहरु मध्ये एउटा प्लाष्टिकमा २ वटा र अर्को प्लाष्टिकमा ४ वटा गरी जम्मा ६ वटा स-साना कागजका पुरिया रहेको उक्त पुरियालाई खोली हेर्दा लागु औषध (ब्राउन सुगर) जस्तो देखिने खैरो रंगको धुलो फेला परेको उक्त ६ वटा पुरियालाई स्थानिय मान्यता प्राप्त डिजिटल यन्त्रमा एक मुष्ट तौल गर्दा कागज सहित ४९० मिलि ग्राम र कागज हटाई तौल गर्दा १२० मिलि ग्राम खैरो रंगको  धुलो रहेको उल्लेखित NITRAVET-10 लेखेको ट्याब्लेट ६०(साठी) र खैरो रंगको १२० मिलि ग्राम धुलो र रा ६ प ८२१३ नं.को मोटरसाईकल सहित २ जना मानिसलाई जिल्ला प्रहरी कार्यालय कपिलवस्तुबाट खटिएका प्र.स.नि. श्यामसिह चौधरीको कमाण्डमा खटिएको टोलिले नियन्त्रणमा लिई जिल्ला प्रहरी कार्यालय कपिलवस्तुबाट थप अनुसन्धान कार्य भई रहेको ।

७ नाल भरुवा बन्दुक वेवारिसे अवस्थामा फेला पारेको।
२०७९-०४-०६

रुकुम(पूर्व),  ६ श्रावणजिल्लाको भुमे गाँउपालिका वडा नं. ७ डाग्रीवाङको जंगलबाट बेवारिसे अवस्थामा रहेका ७ नाल भरुवा बन्दुक प्रहरीले फेला पारेको छ।  मिति २०७९।०४।०५ गते अन्दाजी २१:३० बजे विशेष सुचनाको आधारमा भुमे गाँउपालिका वडा नं ७ स्थित डाग्रीवाङको जंगलमा  प्र.नि. कृष्ण वहादुर खत्रीको कमाण्डमा ७ जनाको प्रहरी टोली खटिई गई खोजतलास गर्दा (६ नाल साबुत र १ नाल वेसाबुत) गरी जम्मा ७ नाल भरुवा बन्दुक वेवारिसे अवस्थामा फेला परेको हो ।  बेवारिसे अवस्थामा फेला परेका भरुवा बन्दुक कार्यालयमा लिई थप अनुसन्धान भई रहेको छ ।

दाङः- लागुऔषध सहित मानिस नियन्त्रणमा ।
२०७९-०४-०६

 मिति २०७९।०४।०५ गते अं.१९:०० बजेको समयमा जिल्ला दाङ तुलसीपुर उ.म.न.पा.वडा नं. ६ शिव शिखर कोलोनी टोल स्थित लागु औषध (ब्राउन सुगर) बिक्रि बितरण भईरहेको छ भन्ने गोप्य सुचनाको आधारमा ईलाका प्रहरी कार्यालय तुल्सीपुर, दाङबाट प्र.नि.बखत बहादुर शाहीको कमाण्डमा टोली खटी गई  निम्न स्थान बस्ने निम्न ब्यक्तिहरुलाई चेक जाँच गर्दा  ला.औ. ब्राउन सुगर सहीत फेला पारी निजहरुलाई नियन्त्रणमा लिई ईलाका प्रहरी कार्यालय तुल्सीपुर, दाङमा थप अनुसन्धान कार्य भई रहेको ।             निम्न व्यक्तिहरु १)      जि.दाङ तुलसीपुर उ.म.न.पा ६ ज्ञान ज्योती टोल बस्ने बर्ष २१ अर्जुन नेपली को साथबाट १ पुडिया । २)      ऐ.ऐ. ६ सुकौरा रोड बस्ने बस्ने बर्ष २५ को सागर गन्धर्बको साथबाट ६ पुडिया । ३)      ऐ.ऐ. ५ बसपार्क बस्ने बर्ष २३ को सन्तोष बि.क को साथबाट २ पुडिया । ४)      ऐ.ऐ. बस्ने बर्ष २५ को निर्मल घर्तीको साथबाट १ पुडिया  । जम्मा १० पुडिया  प्लास्टिक सहीत तौल  गर्दा ७३०  मिली ग्राम , प्लास्टिक हटाई तौल गर्दा ४९०मिली ग्राम ,नगद रु २३,००० ।

बर्दियाः- लागुऔषध सहित मानिस नियन्त्रणमा ।
२०७९-०४-०३

मिति २०७९।०४।०२ गते अं.१७०० बजेको समयमा जि. बर्दिया बढैयाताल गा.पा. २ फुटाहा स्थित नेपाल-भारत आउने जाने बाटो नजिक ला.औ. ब्राउन सुगरको कारोबार भई रहेको छ भन्ने गोप्य सुचनाको आधारमा प्रहरी चौकी जमुनि, बर्दियाबाट प्र.ब.ना.नि. नर बहादुर वि.क. को कमाण्डमा प्रहरी टोलि उक्त स्थानमा खटि गई सोधपुछ गर्दा बासगढि न.पा. ३ बस्ने अं. बर्ष २६ को उमेश खत्रि, ऐ.ऐ. बस्ने अं. बर्ष २४ को कृष्ण प्रसाद थारु र ऐ.ऐ. बस्ने बर्ष अं. २९ को सुनिल थारु समेत गरी ३ जनालाई फेला पारी शङ्का लागी खान तलासि गर्दा निजहरु मध्ये उमेश खत्रिको दाहिने हातमा कालो पलाष्टिकको एक पोकामा ब्राउन सुगर जस्तो देखिने खैरो पदार्थ प्लाष्टिक सहित नाप तौल गर्दा ३ ग्राम ५३० मिलि ग्राम र शुद्ध ३ ग्राम ३९० मिलि ग्राम तौल रहेको ला.औ. ब्राउन सुगर जस्तो देखिने खैरो धुलो पदार्थ र निज उमेश खत्रि को हाफ पाईन्टको पछाडिको खल्तिमा रहेको रु. १०००।- दरका नोट थान १० गरि जम्मा रु. १०,०००।- (अक्षररुपि दश हजार मात्र)  र सुनिल थारुको साथ बाट रु. १२०।- (अक्षररुपि एक सय बिस मात्र) गरि जम्मा रु. १०,१२०।-(अक्षररुपि दश हजार एक सय बिस मात्र) समेत बरामद गरि उक्त सामान र ३ जना मानिसहरुको ई.प्र.का. मैनापोखर, बर्दियामा थप अनुसन्धान कार्य भई रहेको ।

नवलपरासी (पश्चिम):- लागुऔषध सहित ३ जना मानिस नियन्त्रणमा ।
२०७९-०३-२९

जिल्ला नवलपरासी सरावल  गा.पा.- ६ बड्सारे स्थित प्र.नि. मेघनाथ चापागाँई सहितको टोलीले पारसनाथ गुप्ताको घरमा मिति २०७९।०३।२८ गते अं १५:०० बजे निम्न प्रकारको लागुऔषध प्याकिङ गर्ने क्रममा निम्न मानिस सहित लागु औषध, थान ४ मोबाईल र १ थान पावर बैङ्क सहित नियन्त्रणमा लिई ईलाका प्रहरी कार्यालय महेशपुर नवलपरासी पश्चिममा थप अनुसान्धान कार्य भई रहेको । निम्न लागु औषधः-      १) नुरफिन १०० पिस ।      २) डाईजेपाम ८ पिस ।      ३) फेनरागन १९७ पिस       ४) जम्मा ३०५ पिस ।       ५)  नुरफिनको स्टिकर ९१५ थान ।           निम्न मानिसहरुः- १) ऐ.ऐ.बस्ने बर्ष १७ को प्रलाद कहाँर । २) ऐ.ऐ. बस्ने बर्ष १८ को राजन गुप्ता । ३) ऐ.ऐ. बस्ने बर्ष १५ को कृष्ण मोहन शहानी ।

बाँके:- लागुऔषध सहित मानिस नियन्त्रणमा ।
२०७९-०३-२७

जिल्ला बाँके कोहलपुर न.पा १ कौशिलानगर बस्ने वर्ष अं. २६ को  जिबन लामिछानेले जि. बाँके बैजानाथ गा. पा. ४ नौलापुर स्थित रहेको आफ्नो ससुराली छलि कुमारी पुन मगरको घरमा लागु औषध ब्राउनसुरको कारोबार गरिरहेको भन्ने सुचना को आधारमा  मिति २०७९।०३।२६ गते अं. २१;०० बजे प्र.स.नि. दिपेन्द्र मल्लसहितको टोली खटि गएकोमा निज जिवन लामिछानेले आफु बसेको कोठामा लुकाई राखेको २३ वटा प्लाष्टिक सहितको पुडियामा रहेको लागु औषधी ब्राउन सुगर जस्तो देखिने  धुलो पदार्थ फेलापारी पलाष्टिक सहित तौल गर्दा २ ग्राम ८० मिलि ग्राम, पलाष्टिक हटाई शुद्द तौल गर्दा १ ग्राम ९५० मिलिग्राम भएको उक्त ला.औ. बरामद गरी निजलाई नियन्त्रणमा लिई ईलाका प्रहरी कार्यालय कोहलपुरमा थप अनुसन्धान भई रहेको ।  

बाँके:- कुटपिटबाट १ जना मानिसको मृत्यु ।
२०७९-०३-१३

मिति २०७९।०३।१३ गते बिहान अं. ०२:०० बजेको समयमा जिल्ला बाँके बैजनाथ गाउँपालिका वडा नं. ४ एल.बी.चोक स्थितमा जिल्ला बाँके बैजनाथ गाउँपालिका वडा नं. ०६ बस्ने वर्ष अं. ३० को मिलन भन्ने दिक्षित खड्कालाई जिल्ला बाँके बैजनाथ गाउँपालिका वडा नं. ३ बस्ने सुन्दर शाही, ऐ.ऐ. बस्ने पुर्ण बुढामगर, ऐ.ऐ.बस्ने खगेन्द्र थापा मगर र ऐ.ऐ. वडा नं. ४ बस्ने गोविन्द बि.क. समेत संलग्न व्यक्तिहरुले अत्याधिक मादकपदार्थ सेवन गरि चिसापानीबाट कोहलपुर तर्फ पैदल आउदै गरेका दिक्षित खड्कालाई टाउको तथा शरिरका विभिन्न भागमा अन्धाधुन्द बाँसका भाटा प्रहार गरि सख्त घाईते बनाएको, निज घाईतेलाई तत्काल उद्दार गरी कोहलपुर मेडिकल कलेज दश विगाहमा लिई थप उपचारको लागी बिर अस्पताल काठमाण्डौ लगिएकोमा उपचारको क्रममा मृत्यु भएको । तत्काल ईलाका प्रहरी कार्यालय कोहलपुर, बाँकेका कार्यालय प्रमुख प्र.ना.उ.ऐन बहादुर मल्ल समेतको अनुसन्धान टोली खटि गई संलग्न मानिसहरुलाई नियन्त्रणमा लिईएको र निज संलग्न मानिसहरुसंग रगत लागेका लाठीको टुक्राहरु र रगत लागेका कपडाहरु समेत बरामद गरि थप अनुसन्धान कार्य भई रहेको ।  

दाङ:- सवारी दुर्घटना
२०७९-०३-१३

मिति २०७९।०३।०६ गते अं. १५:५० बजेको समयमा जि.दाङ राप्ती गा.पा.४ मौरीघाट स्थित पुर्व बाट पश्चिम तर्फ जादै गरेको UK 03 A 9433 नं.को भारतिय कारले बिपरित दिशाबाट आउदै गरेको भे १० प २५२३ नं.को मो.सा.लाई ठक्कर दिदाँ मो.सा.चालक जि.बाँके चिसापानी १ बस्ने बर्ष २६ को सुरेश पुनमगर घाईते भई बिष्ट पोलिक्लिनिक सिसहनिया दाङमा सामान्य उपचार पश्चात थप उपचारका लागि भैरहवा मेडिकल कलेज भैरहवामा उपचारको क्रममा मिति २०७९।०३।१३ गते बिहान ०८:३० बजे मृत्यु भएको,मो.सा. ई.प्र.का.भालुवाङको नियन्त्रणमा,कार र कार चालक व.प्र.का.लमही दाङको नियन्त्रणमा र थप अनुसन्धान कार्य भई रहेको ।

बाँके:-लागुऔषध सहित मानिस नियन्त्रणमा
२०७९-०३-०७

जिल्ला बाँके नेपालगंज उ.म.न.पा. १५ जमुनाह स्थित चेकप्वाईन्टमा भारत बाट नेपाल तर्फ आउँदै गरेको जिल्ला बाँके कोहलपुर न.पा.१ बस्ने वर्ष ३० को प्रकाश रोकाय र जिल्ला मुगु छायाँनाथ रारा न.पा.३ बस्ने वर्ष ३० को श्री बहादुर खड्कालाई ईलाका प्रहरी कार्यालय जमुनाह बाँके र लागुऔषध नियन्त्रण ब्यूरो नेपालगंज बाँकेबाट खटिएको संयुक्त प्रहरी टोलिले अन्दाजी १८:३० बजेको समयमा शंका लागी चेकजाँच गर्ने क्रममा प्रकाश रोकायको साथबाट २ ग्राम लागु औषध ब्राउनसुगर जस्तो देखिने धुलो पदार्थ बरामद गरी दुबै जना लाई पक्राउ गरी थप आवश्यक कारवाहीको लागी जिल्ला प्रहरी कार्यालय बाँकेमा राखी अनुसन्धान भईरहेको ।

दाङ,:-लागू औषध सहित मानिस प्रहरीको नियन्त्रणमा .
२०७९-०३-०३

असार ०३,जिल्ला दाङ राप्‍ती गाउँपालिका १ स्थित भालुबाङ बस्ने रतन थापाको छोरा वर्ष २८ को विशाल थापा मगरको आफ्नै कोठामा ऐ. २ बस्ने भोजेन्द्र सिंहको छोरा वर्ष २३ को उज्वल सिंह सहित २ जना बसिरहेको अवस्थामा गोप्य सूचनाको आधारमा इलाका प्रहरी कार्यालय भालुबाङ, दाङबाट अन्दाजी १९:०० बजेको समयमा प्रहरी टोली खटिई गई खानतलासी गर्दा सुत्ने ओछ्यानको सिरानी मुनि लुकाई छिपाई राखेको अवस्थामा खैरो हिरोइन जस्तो देखिने पदार्थ ६१० मिली ग्राम र नगद रू, १२,०००।- (बाह्र हजार ) सहित दुबै जना लाई नियन्त्रणमा लिई इलाका प्रहरी कार्यालय भालुबाङ दाङमा राखी थप आवश्यक अनुसन्धान भइरहेको । 

बाँकेः- लागु औषध सहित मानिस नियन्त्रणमा ।
२०७९-०३-०३

असार ०३, जिल्ला बाँके नेपालगंज उ.म.न.पा.१५ जमुनाह स्थित अन्दाजी २१:०० बजे चेकप्वाईन्टमा भारत बाट नेपाल तर्फ आउँदै गरेको जिल्ला सुर्खेत बिरेन्द्रनगर न.पा.६ बस्ने बर्ष १७ कि ममता क्षेत्री र ऐ.ऐ. बस्ने बर्ष २१ कि चाहाना मगरलाई ईलाका प्रहरी कार्यालय जमुनाह बाँकेबाट र लागु औषध नियन्त्रण ब्युरो नेपालगंज बाँकेबाट खटिएको संयुक्त प्रहरी टोलिले शंका लागी चेकजाँच गर्ने क्रममा ममता क्षेत्रीको साथबाट १ ग्राम ब्राउनसुगर जस्तो देखिने धुलो पदार्थ बरामद गरी दुवै जनालाई थप आवश्यक कारवाहीको लागी जिल्ला प्रहरी कार्यालय बाँकेमा राखी अनुसन्धान कार्य भईरहेको 

रुपन्देहीको विभिन्न स्थानमा आगालागी हुँदा ३५ लाख बराबरकी धनमाल जलेर नष्ट भएको छ।
२०७९-०२-०३

            रुपन्देही, तिलोत्तमा नगरपालिका-५ मणिग्राम प्लटलाईनस्थित मदन भुसालको एमबि ट्रेड्सको अगरबत्ताको धुलो रहेको गोदाममा सोमबार राति आगलागी हुँदा करिब १ सय ५० बोरा अगरबत्तीको धुलो जलेर करिब १० लाख रुपैयाँ बराबरको धनमाल नष्ट भएको  छ ।             यसैगरी रुपन्देही, बुटवल उपमहानगरपालिका-६ ज्योतीनगरस्थित गुप्त बहादुर खत्रीको खत्री प्रकाशन सामग्री छापाखानामा विद्युत सर्ट भई गएराति आगलागी हुँदा छापाखानामा रहेका सामानहरु जलेर करिब २५ लाख रुपैयाँ बराबरको धनमाल नष्ट भएको छ ।

लागूऔषध ब्राउन सुगर सहित मानिस नियन्त्रणमा
२०७९-०२-०३

दाङ, ३ जेठ             तुलसीपुर उपमहानगरपालिका-१२ स्थित सडकबाट अवैध लागूऔषध ब्राउनसुगर जस्तो देखिने पदार्थ सहित तुलसीपुर उपमहानगरपालिका-६ बस्ने २३ वर्षीय रबिन नेपाली समेत ४ जनालाई सोमबार राति प्रहरीले पक्राउ गरेको छ ।             रा.५ प ८८६५ नम्बरको मोटरसाइकलमा सवार नेपाली समेत ३ जनालाई ईलाका प्रहरी कार्यालय तुलसीपुरबाट खटिएको प्रहरीले जाँच गर्ने क्रममा करिब ४ सय ४० मिलिग्राम उक्त पदार्थ सहित फेला पारी पक्राउ गरेको हो । थप अनुसन्धानको क्रममा उनीहरुले उक्त पदार्थ सोही उपमहानगरपालिका-६ बस्ने ३४ वर्षीय अम्मर बाल्मिकीसँग ख़रीद गरी ल्याएको खुलेपश्चात बाल्मिकीको  कोठामा जाँच गर्दा १ सय ९० मिलिग्राम अवैध लागूऔषध ब्राउनसुगर जस्तो देखिने पदार्थ, सेवन गर्न प्रयोग गरेको प्लेट १ थान र ब्लेड टुक्रा २ थान सहित फेला पारी बाल्मिकीलाई समेत प्रहरीले पक्राउ गरेको हो ।             यस सम्बन्धमा प्रहरीले थप असुन्धान गरिरहेको छ ।

लागूऔषध ब्राउन सुगर सहित मानिस नियन्त्रणमा
२०७८-१२-३०

बाँके, २०७८ साल चैत्र ३० जिल्लाको कोहलपुर नगरपालिका वडा नं.१२ बाट ८० ग्राम लागूऔषध खैरो हिरोइन सहित एक व्यक्ति पक्राउ परेका छन् । पक्राउ पर्नेमा सोहि घर भएका ३० वर्षिय मुन्ना भन्ने जगत के.सी. रहेका छन् । मिति २०७८।१२।२९ गते अं.१६:०० बजेको समयमा जिल्ला बाँके, कोहलपुर नगरपालिका वडा नं. १२  रोहिनी खोला स्थित राजमार्ग सडक खण्डमा अवैध लागूऔषध ब्राउन सुगर (खैरो हिरोईन) को कारोवार हुँदै छ भन्ने गोप्य सूचनाको आधारमा प्रहरी टोली खटीगई चेकजाँच गर्ने क्रममा मुन्ना भन्ने जगत के.सी.लाई  खान तलासी गर्दा निजले दायाँ हातमा समाती राखेको रातो रङको कपडाको झोला भित्रबाट रातो रङको प्लाष्टिकले लपेटी राखेको ८० ग्राम लागूऔषध ब्राउन सुगर जस्तो देखीने धुलो पदार्थ र निजले प्रयोग गरेको भे.१२ प.२९०नं. को  स्कुटर बरामद गरिएको छ । निज मुन्ना भन्ने जगत के.सी.लाई प्रहरीले नियन्त्रणमा लिई थप अनुसन्धान भई रहेको छ ।

प्रहरी महानिरीक्षक शैलेश थापा क्षेत्रीको प्रमुख आतिथ्यमा कमाण्डो तालिमको दिक्षान्त समारोह सम्पन्न ।
२०७८-१२-२२

नवलपरासी (पश्चिम), नेपाल प्रहरी युक्ति तालिम महाविद्यालय जर्गाह नवलपरासी (पश्चिम) मा संचालित सातौं समूहको प्रहरी विशेष कला तथा कारवाही (कमाण्डो) तालिमको दिक्षान्त समारोह प्रहरी महानिरीक्षक शैलेश थापा क्षेत्रीको प्रमुख आतिथ्यमा सोही महाविद्यालयमा मंगलबार सम्पन्न भएको छ । समारोहमा प्रहरी महानिरीक्षक थापा क्षेत्रीले तालिममा सहभागी प्रशिक्षार्थीहरूमध्ये तालिमको विभिन्न विधामा सर्वोत्कृष्ट स्थान हासिल गर्ने प्रशिक्षार्थीहरूलाई पुरस्कार प्रदान गर्नुभयो । प्रहरी महानिरीक्षक थापा क्षेत्रीले सम्बोधनको क्रममा प्रशिक्षार्थीहरूलाई तालिममा हासिल गरेका युक्तिहरूलाई व्यक्तिगत लाभ भन्दा पनि नागरिकको सुरक्षाको लागि प्रयोग गरी नागरिकले सुरक्षाको अनुभूति गर्ने गरी अदम्य साहस र उर्जाका साथ कार्यसम्पादन गर्न निर्देशन दिनुभयो । सवै प्रहरी कर्मचारीले आफ्नो पेशाप्रति गर्व गर्नुपर्ने चर्चा गर्दै उहाँले स्वअनुशासनको पालना गर्दै संगठनको छविलाई उच्च राख्न लाग्नुपर्नेमा उपस्थित प्रहरी अधिकृत तथा जवानहरूलाई निर्देशन समेत दिनुभयो । राष्ट्रिय प्रहरी प्रशिक्षण प्रतिष्ठान महाराजगंज काठमाडौंका कार्यकारी निर्देशक प्रहरी अतिरिक्त महानिरीक्षक निरज बहादुर शाहीले धन्यवाद ज्ञापन गर्नुभएको उक्त समारोहमा नेपाल प्रहरी युक्ति तालिम महाविद्यालय जर्गाहका प्राचार्य प्रहरी वरिष्ठ उपरीक्षक मसऊद आलम खाँले स्वागत मन्तव्य व्यक्त गर्नुभएको थियो ।  समारोहमा तालिम संयोजक प्रहरी नायव उपरीक्षक मेख बहादुर कुँवरले तालिम सम्बन्धी प्रतिवेदन प्रस्तुत गर्दै जम्मा ९० कार्यदिन अवधिको उक्त तालिममा प्रहरी निरीक्षक ४ जना, प्रहरी सहायक निरीक्षक ८ जना र प्रहरी जवान ९२ जना गरी जम्मा १ सय ४ जनाको सहभागिता रहेको जानकारी दिनुभयो । उक्त समारोहमा प्रशिक्षार्थीहरुले इमिडियट एक्सन ड्रिल अन्तर्गत फायर एण्ड मुभ अभ्यास, होस्टेज रेस्क्यू अपरेसन डेमोन्स्ट्रेसन, स्याण्ड मोडल बिफ्रिङ, हतियार खोलजोड डेमोन्स्ट्रेसन, बाधापार डेमोन्स्ट्रेसन तथा अनआर्म कम्ब्याट समेत प्रदर्शन गरेका थिए । समारोहमा लुम्बिनी प्रदेश प्रहरी कार्यालयका प्रमुख प्रहरी नायव महानिरीक्षक प्रकाश अधिकारी, नवलपरासी जिल्लाका प्रमुख जिल्ला अधिकारी एवम् जिल्लास्थित सुरक्षा निकायका प्रमुखहरूको समेत उपस्थिति रहेको थियो ।

लागूऔषध चरेस सहित मानिस नियन्त्रणमा
२०७८-१२-०६

बाँके, चैत ०६ गते, मिति २०७८।१२।०६ गते १२ः४५ बजेको समया जिल्ला बाँके नेपालगंज उप-महानगरपालिका वडा नं. २ पुष्पलाल चोक स्थित रहेको स्याङ्जा गेष्टहाउसको कोठा नं. ७ मा बिशेष सूचनाको आधारमा जिल्ला प्रहरी कार्यालय बाँकेबाट खटिएको सादा पोसाकको टोलिले चेकजाँच गर्ने क्रममा खाटको सिरानी पछाडी प्लाष्टिकको थैलोमा लुकाई छिपाई राखेको अबस्थामा ३ के.जी. लागूऔषध चरेस सहित जिल्ला कालिकोट खाडा चक्र नगरपालिका वडा नं. ९ बस्ने वर्ष २५ को प्रबिण बिष्‍ट र ऐ.ऐ. वडा नं. ७ बस्ने वर्ष २३ को राज बहादुर कार्कीलाई  नियन्त्रणमा लिई थप अनुसन्धान कार्य भईरहेको ।

रेड पाण्डाको छाला सहित मानिस नियन्त्रणमा
२०७८-१२-०६

बाँके, २०७८ चैत ०६ गते, मिति २०७८।१२।०६ गते १२ः०० बजेको  समयमा जिल्ला बाँके नेपालगंज उप-महानगरपालिका वडा नं. १२ कोरियनपुर स्थित रहेको होटेल अन्जना एण्ड लजमा लोप उन्मुख बन्यजन्तुको कारोबार भईरहेको सूचनाको आधारमा जिल्ला प्रहरी कार्यालय बाँकेबाट खटिएको सादा पोसाकको टोलिले उक्त होटलको कोठा नं. १०५ मा चेकजाँच गर्दा खाटमा प्लाष्टिकको थैलोमा लुकाई राखेको अबस्थामा  रेड पाण्डाको छाला २ थान सहित जिल्ला डोल्पा त्रिपुरा सुन्दरी नगरपालिका वडा नं. ३ बस्ने वर्ष ३६ को हर्क बहादुर बि.क., ऐ.ऐ. बस्ने वर्ष २३ को बिकेश बोहरा, ऐ.ऐ. ११ बस्ने वर्ष २२ को रामकृष्ण शाही र ऐ. ठुली भेरी नगरपालिका वडा नं. १ बस्ने वर्ष २५ को सुखराम बि.क.लाई नियन्त्रणमा लिई थप अनुसन्धान कार्य  भईरहेको ।

लागूऔषध र पेस्तोल सहीत मानिस नियन्त्रणमा:
२०७८-११-२३

बाँके, खजुरा गाँउपालिका वडा नं. १ बहादुरपुर बस्ने वर्ष २५ को  गल्क्षी भन्ने  रबिन्द्र थापाको साथबाट ९० (नब्बे) ग्राम लागूऔषध ब्राउनसुगर र अटोमेटिक पेस्तोल बरामद भएको छ । लागूऔषध कारोवार भइरहेको छ भन्ने विषेश सूचनाको आधारमा मिति २०७८।११।२२ गते अन्दाजी १९:२५ बजे प्रहरी टोलीले गल्क्षी भन्ने रबिन्द्र थापाको घर खानतलासी गर्ने क्रममा निजको साथबाट ९० (नब्बे) ग्राम लागूऔषध ब्राउनसुगर र निज सुत्ने कोठाबाट कालो कलरको म्याग्जिन नभएको अटोमेटिक पेस्तोल थान-१ फेला परेको छ । साथै, निजसंग कारोबार गर्ने जिल्ला बाँके खजुरा गाँउपालिका वडा नं. २ बस्ने बर्ष २७ को मनिस थापा, र नेपालगंज उपमहानगरपालिका वडा नं. १३ भृकुटीनगर बस्ने वर्ष २८ को सुरेश रोका मगर सहित तीनै जनालाई पक्राउ गरी थप अनुसन्धान भई रहेको छ ।

हतियार सहित ३ जना व्यक्ति नियन्त्रणमा
२०७८-११-१८

बाँके, डुडुवा गाउपालिका वडा नं. ४ राप्‍ती पुल स्थितबाट हतियार सहित ३ जना व्यक्ति पक्राउ परेका छन् । पक्राउ पर्नेमा जिल्ला बाँके नेपालगंज उप-महानगरपालिका वडा नं. १८ कारकाँदो बस्ने वर्ष २९ को सुसान्त के.सी., ऐ.ऐ. १२ कोरियनपुर बस्ने वर्ष अंदाजी २८ को दिपेन्द्र अधिकारी र कैलाली लम्किचुहा नगरपालिका वडा नं. ३ बस्ने वर्ष ३२ को द्धारीका उपाध्याय रहेका छन् । मिति २०७८।११।१७ गते  २१:०० बजेको समयमा राप्ती पुल स्थित गोली पड्किएको जस्तो आवाज सुनि ईलाका प्रहरी कार्यालय बनकट्टी 'क' बाँकेबाट प्रहरी टोली खटिई गई नेपालगंज देखि राप्ती नदी तर्फ जाँदै गरेको चालक सुसान्त के.सी.ले चलाएको बाग्मति प्रदेश ०१-०२५ च ३०९७ नं.को गाडीलाई चेकजाँच गर्ने क्रममा गाडीको सिट पछाडीको ब्यागमा लुकाई छिपाई राखेको made in USA लेखेको अटोमेटिक पेस्तोल थान-१(एक), ऐ. को गोली ९ राउण्ड, खुडा थान-१, (एक), नोक थान-२(दुई) बरामद गरिएको छ । बरामद गरिएको हतियार र निज व्यक्तिहरुलाई पक्राउ गरी थप अनुसन्धान कार्य भईरहेको छ ।

मोटरसाइकल दुर्घटनाबाट मृत्यु:
२०७८-११-१६

दाङ, तुल्सिपुर उपमहानगरपालिका वडा नं. ६ ओमशान्तिहल नजिक मोटरसाइकल दुर्घटना हुँदा मोटरसाइकल चालकको मृत्यु भएको छ ।   मिति २०७८।११।१५ गते राती ९:०० बजे तुलसीपुर देखी उत्तरतर्फ जाँदै गरेको रा ५ प ४४९३ नं. को मोटरसाइकल आफै अनियन्त्रित भई बिद्युतको पोलमा ठोकिन जाँदा मोटरसाईकल चालक तुल्सिपुर उपमहानगरपालिका वडा नं. ६ हात्तिखौवा बस्ने बर्ष ३० को मोहन सुनारको ढाडमा चोट लागी घाईते भई उपचारको लागि राप्ती प्रादेशिक अस्पताल तुलसीपुर पठाईएकोमा राप्ती प्रादेशिक अस्पताल तुल्सिपुरले मेडिकल कलेज कोहलपुर  नेपालगंज रिफर गरेकोमा थप उपचारको लागि मेडिकल कलेज कोहलपुर नेपालगंजमा लैजादै गर्दा बाटोमा नै विहान ३;३० बजे मृत्यु भएको छ ।

सवारी दुर्घटनामा १ जनाको मृत्यु ३ जना घाईते:
२०७८-११-१६

दाङ, तुल्सिपुर उपमहानगरपालिका वडा नं. १८ दुधरासमा घोराहीबाट तुलसीपुरतर्फ जाँदै गरेको बा ३ ख ८६४३ नं. को हाईस र बिपरीत दिशाबाट आँउदै गरेको नम्बर नखुलेको  मोटरसाइकल एक आपसमा ठोकिई दुर्घटना हुँदा १ जनाको मृत्यु र ३ जना घाइते भएका छन् ।  मिति २०७८/११/१५ गते अन्दाजी २१:१० बजे भएको उक्त दुर्घटनामा मोटरसाइकलको पेट्रोल ट्याङ्की अचानक पट्किदा मोटरसाइकलमा आगालागी भई पूर्णरुपमा क्षेती भएको छ भने हाइसमा समेत आगालगी भएको छ । मोटरसाईकलमा सवार जिल्ला दाङ, तुलसीपुर उपमहानगरपालिका वडा नं. १८ मनिकापुर बस्ने बर्ष २१ को रेशम चौधरीको दुर्घटनामा परी मृत्यु भएको छ भने मोटरसाइकल चालक जिल्ला दाङ, तुल्सिपुर उपमहानगरपालिका वडा नं. १८ बस्ने बर्ष २३ को रमेश वली, हाईस चालक जि.दाङ तुलसीपुर उ.म.न.पा.-७ पर्सेनि बस्ने बर्ष २६ को करण परियार र हाईसमा सवार सोही घर भएका बर्ष २४ को कमल परियार घाइते भएका छन् । घाइतेहरुको हाल उपचार भई रहेको छ ।   

चितुवाको छाला सहित ३ जना नियन्त्रणमा:
२०७८-११-१६

बाँके, बैजनाथ गाँउपालिका वडा नं. ५ गायत्री टोलबाट दुर्लभ बन्यजन्तु चितुवाको छाला सहित ३ जना मानिसहरु पक्राउ परेका छन् । पक्राउ पर्नेमा जिल्ला बाँके, बैजनाथ गाँउपालिका वडा नं. ५ बस्ने बर्ष २८ को याम बहादुर बिश्वकर्मा, जिल्ला बर्दिया मधुवन नगरपालिका वडा नं. ४ बस्ने बर्ष ३० को आकाश परियार र मधुवन नगरपालिका वडा नं. ९ बस्ने बस्ने बर्ष ५४ को लाल बहादुर बि.क. रहेका छन् । मिति २०७८।११।१५ गते अन्दाजी १५:४० बजेको गायत्री टोलको भित्री सडक बाटोमा  दुर्लभ बन्यजन्तु चितुवाको छाला ल्याईरहेका छन् भन्ने बिशेष सूचनाको आधारमा खटिई गएको प्रहरी टोलीले पैदल हिंडिरहेका याम बहादुर बिश्वकर्मा, आकाश परियार र लाल बहादुर बि.क.लाई चेकजाँच गर्ने क्रममा निजहरुले बोकी ल्याएको सेतो पलास्टिक कट्टाबाट चितुवाको छाला थान-१ (एक) बरामद गरिएको छ । बरामद गरिएको चितुवाको छाला र निज व्यक्तिहरुलाई नियन्त्रणमा लिई थप अनुसन्धान भईरहेको छ  ।

रेड पाण्डाको छाला सहित मानिस नियन्त्रणमा
२०७८-११-१४

दाङ, २०७८ फागुन १४ गते, मिति २०७८/११/१३ गते अं.०७:०० बजेको समयमा जिल्ला दाङ, राप्ती गाउपालिका वडा नं. १ भालुवाङ पुलचोक स्थित भिजन होटलमा अवैध वन्य जन्तु ओखेटो पहार रेड पाण्डाको छाला कारोबार हुदैछ भन्ने गोप्य सूचनाको आधारमा लुम्बिनी प्रदेश प्रहरी कार्यालय तुलसीपुर दाङ र ईलाका प्रहरी कार्यालय भालुबाङ दाङबाट खटिएको संम्युक्त टोलीले रेड पाण्डाको छाला जस्तो देखिने छाला थान- ५ सहित जिल्ला रोल्पा सुनिल स्मृती गाउपालिका वडा नं. ३ बस्ने वर्ष ४२ को राम बहादुर थापा, ऐ. लुङ्ग्री गाउपालिका वडा नं. ३ वस्ने वर्ष २० को रुपक खड्का र ऐ. सुनछहरी गाउपालिका वडा नं. ७ वस्ने वर्ष १९ को राम कुमार पुन मगरलाई नियन्त्रणमा लिई थप अनुसन्धान कार्य भईरहेको ।

सवारी दुर्घटनाबाट घाइते:
२०७८-११-१२

दाङ २०७८ फागुन १२, लमही नगरपालिका वडा नं. ६ बेलदमारमा आज विहान अन्दाजी ९:३५ बजेको समयमा काठमाण्डौबाट घोराहीतर्फ आउदै गरेको ना ६ ख ४१४९ नं. को बस र घोराहीबाट लमहीतर्फ जाँदै गरेको रा १ ज ८९४ नं. को उईङगर एक-आपसमा ठोकिदा निम्न लिखित ६ जना मानिसहरु घाइते भएका छन् । घाइतेहरुको लमहि अस्पतालमा उपचार भई रहेको छ । बस चालकलाई प्रहरीले नियन्त्रणमा लिएको छ ।    निम्न घाईतेहरु:- १.जिल्ला रोल्पा, रोल्पा नगरपालिका वडा नं. १ बस्ने बर्ष २२ की मुना कुँवर । २. जिल्ला रोल्पा, गंगादेव गाँउपालिका वडा नं. २ बस्ने बर्ष ३० की भगुमती डाँगी । ३.जिल्ला सल्यान त्रिवेणी गाँउपालिका वडा नं. ३ बस्ने बर्ष ५३ को मोतिलाल वली । ४.उईङ्गर चालक जिल्ला दाङ, दंगिशरण गाँउपालिका वडा नं. ५ बस्ने बर्ष ४१ को राजन के.सी. । ५.जिल्ला दाङ, तुलसीपुर उ.म.न.पा. वडा नं. ६ बस्ने बर्ष २६ सुमित वली । ६.जिल्ला रोल्पा सुनिलस्मृती गाँउपालिका वडा नं. १ बस्ने बर्ष ३४ की सिमा खत्री  ।

बाघको आक्रमणबाट मानिसको मृत्यु:
२०७८-११-११

बर्दिया, ठाकुरबाब नगरपालिका वडा नं. ४ मा बाघको आक्रमणबाट एक जना महिलाको मृत्यु भएको छ । मृत्यु हुनेमा जिल्ला बर्दिया ठाकुरबाबा नगरपालिका वडा नं. ४ सैनवार बस्ने दिल बहादुर थारुको श्रीमती वर्ष ४१ कि लिली चौधरी रहेकी छिन् । मिति २०७९८।११।१०  गते अन्दाजी २०:३० बजेको समयमा आफ्नै घरबाट ६० मिटर पूर्व बर्दिया राष्ट्रिय निकुञ्जको मध्यबर्दि क्षेत्र नजिकै दिसा पिसाब गर्न गएको अबस्थामा एक्कासी बाघले आक्रमण गरेको थियो । बाघको आक्रमणबाट घाइते भएकी चौधरीलाई उपचारका लागि भुरिगाँउ असिम अस्पताल प्रा.लि.मा लगिएकोमा सोही दिन २१:०० बजे उपचारको क्रममा मृत्यु भएको छ ।  

दाङमा आगलागी हुँदा ५ जनाको मृत्यु:
२०७८-१०-२८

दाङ, तुलसीपुर उ.म.न.पा.वडा नं. ५ तुलसी बोडिङ चोक नजिक घरमा आगालागी हुँदा ५ जना व्यक्तिहरुको मृत्यु भएको छ । मृत्यु हुनेमा जिल्ला दाङ, तुलसीपुर उ.म.न.पा. ५ बस्ने अन्दाजी बर्ष १३। १४ की सिजता खातुन, अन्दाजी बर्ष १४।१५ को हर्सन बकस, अन्दाजी बर्ष १५।१६ को मसिम बकस,अन्दाजी बर्ष ४०।४२ को नजरदिन अली, अन्दाजी बर्ष ५।६ को आदिददिन अली रहेका छन् ।                     मिति २०७८।१०।२८  गते राती अन्दाजी ०२:०० बजे बक्स बहादुर के.सी.को घरमा हुसेन बक्सले संचालन गरेको ईरम फुटवयर (जुत्ता चप्पल पसल) मा बिजुलीको तार सर्ट भई अचानक आगलागी भएको थियो ।  आगो नेपाल प्रहरी, नेपाल आर्मी ,सशस्त्र प्रहरी, दमकल र स्थानिय बासीको सहयोगमा बिहान ०७:१० बजे आगो पुर्ण रुपमा नियन्त्रणमा आएको थियो । आगालागीबाट घर तथा पसलमा क्षती भएता पनि क्षतीको एकिन विवरण आउन बाँकी छ ।  

शैक्षिक सुधारको नाममा अफवाह फैलाई विद्युतीय तथा स्टेशनरी सामग्रीहरु बिक्री गरी ठगी गर्ने व्यक्ती पक्राउ
२०७८-१०-२६

बर्दीया, गुलरिया नगरपालिका वडा नं. ६ स्थित बगलामुखी विद्यालयको परिसरबाट  शैक्षिक सुधारको नाममा अफवाह फैलाई विद्युतीय तथा स्टेशनरी सामग्रीहरु बिक्री गरी ठगी गरिरहेका एक जना व्यक्ति पक्राउ परेका छन्। पक्राउ पर्नेमा जिल्ला कास्की, पोखरा महानगरपालिका वडा नं. २५ बस्ने ३९ वर्षीय प्रकाश बराल क्षेत्री रहेका छन् । क्षेत्रीले जिल्लाका विभिन्न स्थानहरुमा राष्ट्रपति शैक्षिक सुधार कार्यक्रमको ब्यानर प्रयोग गरी साईवर एण्ड लाईब्रेरी नाम गरेको प्रोजेक्टको नामबाट प्रविधिसँग जानकार नभएका विद्यालय तथा संघ संस्थाहरुलाई सहुलियतमा विद्युतीय तथा स्टेशनरी सामग्रीहरु वितरण हुँदैछ भन्दै प्रलोभन देखाई न्यून गुणस्तरका विद्युतीय तथा स्टेशनरी सामग्रीहरु उच्च मुल्यमा बिक्री गरिरहेको अवस्थामा प्रहरीले मिति २०७८।१०। २४  गते बगलामुखी विद्यालयबाट नगद १ लाख ९२ हजार रुपैयाँ, विभिन्न बैकका चेक ३ थान, साईवर एण्ड लाईब्रेरीको नाममा रहेको बिल ठेली ४ थान, र  Lotte Choco Pie र सुर्य चुरोटको कार्टुन भित्र प्याकेजिङ गरिएका  प्रिन्टर १९ थान, मोनिटर १९ थान, सि.पि.यु. १९ थान, प्रोजेक्टर १७ थान, पेनड्राईभ १७ थान, क्याल्कुलेटर १७ थान, राईटिङ बोर्ड २० थान, सिसिटिभि क्यामेरा १८ थान, किबोर्ड १९  थान, नेपाली बृहत शब्दकोष किताब ७ थान, अक्सफोर्ड लगायतका विभिन्न पुस्तक ३० थान, क्यालेन्डर २९ थान सामग्रीहरु सहित निजलाई नियन्त्रणमा लिएको थियो ।  निजले Email, Whats app, Text message को प्रयोग गरी विशिष्ट व्यक्तिहरुको नाम उल्लेख गरी शैक्षिक संस्थाहरुलाई  सहुलियतमा विद्युतीय तथा स्टेशनरी सामग्रीहरु वितरण हुँदैछ भन्दै Message पठाई प्रलोभनमा पारी कम गुणस्तरीय सामग्रीहरु उच्च मुल्यमा विक्री गर्ने गरेको प्रारम्भिक अनुसन्धानबाट खुल्न आएको छ। घटनाको थप अनुसन्धान भई रहेको छ  ।      

सवारी दुर्घटनामा परी ८ जनाको मृत्यु ।
२०७८-१०-२३

प्युठान, गौमुखी गाँउपालिका वडा नं.  ६ ओखरपाटामा ग.१.ज. ५०९२ नम्बरको महेन्द्रा जिप दुर्घटना हुँदा ८ जना व्यक्तिहरुको मृत्यु भएको छ । मिति २०७८।१०।२२ गते लुङबाट विवाहको दुलाही लिएर फर्कदै गरेको जिप  गौमुखी गाँउपालिका वडा नं.  ६ ओखरपाटामा रोड देखि अन्दाजी १००। १५० मिटर तल खसी दुर्घटना हुँदा ६ जनाको घटनास्थलमा नै मृत्यु भएको र बाँकी ७ जना घाइते भएकोमा २ जनाको उपचारको क्रममा मृत्यु भएको छ । मृत्यु हुनेमा  जिल्ला प्यूठान, गौमुखी गा.पा. ६  लिवाङ बस्ने  बर्ष  ३९ को बसन्त खड्का, निजको छोरी बर्ष ११ की एलिसा खड्का, अन्दाजी बर्ष ३९/४० की बसन्ती खड्का, बर्ष २९ की केसरी खड्का,  अन्दाजी बर्ष ५०/५२ को बल बहादुर बुढामगर,  बर्ष ३२ को खिम बहादुर खत्री, बर्ष ५२ की नन्दी खड्का र  जिल्ला प्यूठान नौबहिनी गा.पा. ६ लुङ बस्ने बर्ष १८ कि बिपना जि.सी. रहेका छन् ।  अन्य घइतेहरुको विभिन्न अस्पतालहरुमा उपचार भईरहेको छ ।

लागूऔषध हिरोईन सहित मानिस पक्राउः-
२०७८-१०-२०

दाङ, घोराही उ.म.न.पा. वडा नं. १७ गुलरीयाबाट लागूऔषध खैरो हिरोइन सहित मानिस पक्राउ परेका छन् । पक्राउ पर्नेमा  जिल्ला दाङ, घोराही उ.म.न.पा. वड नं. १२ हापुर बस्ने वर्ष २६ को दिपेन्द्र खड्का रहेका छन् । मिति २०७८।१० गते १४:४५ बजेको समयमा घोराही उ.म.न.पा. वडा नं. १७ गुलरीयामा लागूऔषध ओसार पसार भई रहेको भन्ने बिशेष सुचनाको आधारमा प्रहरी टोली खटि गई उक्त स्थानमा बाटो छेउको कलवटमा संकास्पद रूपमा उभिएका दिपेन्द्र खड्कालाई चेकजाँच गर्दा निजको साथबाट shikhar ice लेखेको चुरोटको डिब्बा भित्र लागूऔषध खैरो होरोईनको सानो सानो ३४ पुडिया (क्वाटर) (१ ग्राम ३८० मिलि ग्राम) बरामद गरी निजलाई पक्राउ गरी थप अनुसन्धान भई रहेको छ ।

जुवा खेलिरहेको अवस्थामा मानिसहरु पक्राउ:
२०७८-१०-२०

दाङ, शान्तिनगर गाँउपालिका वडा नं. ५ बैशाबाट जुवा खेल्दै गरेका ८ जना व्यक्तिहरु पक्राउ परेका छन् । पक्राउ पर्नेहरुमा जिल्ला दाङ शान्तिनगर गा.पा. ७ बस्ने बर्ष ३२ को बिर ब. रावत, बर्ष ४५ उत्तम डाँगी,  बर्ष ४० को प्रमोद खड्का, तुलसीपुर उ.म.न.पा. ९ बस्ने बर्ष ३० को राज कुमार बोहरा, बर्ष ५८ को धुर्व शाह, बबई गाँउपालिका वडा नं.  ४ बस्ने बर्ष ४० को बलिराम खत्री, शान्तिनगर गाँउपालिका वडा नं.  ५ बैशा बस्ने बर्ष ३२ को निराजन मल्ल र  देश भारत बस्ने बर्ष ३५ को हजरत अली रहेका छन् । मिति २०७८।१९।१९ गते २२:१० बजे  निराजन मल्लको घरमा अवैध रुपमा जुवा खेलिरहेको अबस्थामा निजहरुलाई १ गड्डी खोलेको तास र नगद रु. २,८२,३०५ (दुई लाख बयासी हजार तिन सय पाँच) सहित नियन्त्रणमा लिइएको हो । हाल घटनाको थप अनुसन्धान भई रहेको छ ।

लागूऔषध सहित मानिस नियन्त्रणमा
२०७८-१०-०३

बाँके, ३ मिति २०७८।१०।०३ गते कोहलपुर नगरपालिका-११ बस्ने बिरेन्द्र थारुको घरबाट ५ सय ९० मिलिग्राम अवैध लागूऔषध ब्राउनसुगर जस्तो देखिने धुलो पदार्थ सहित ४ जनालाई सोमबार राति प्रहरीले पक्राउ गरेको छ । पक्राउ पर्नेहरुमा बैजनाथ गाउँपालिका-३ बस्ने ६४ वर्षीय रामचरण थारु, २५ वर्षीय सुरज थारु, २७ वर्षीय ध्रुव कुमार थारु र ३६ वर्षीय सुन्दर राम थारु रहेका छन् । बिरेन्द्र थारुको घरमा लागूऔषध ब्राउनसुगरको कारोबार भइरहेको भन्ने सूचनाको आधारमा ईलाका प्रहरी कार्यालय कोहलपुरबाट खटिएको प्रहरीले तलासी गर्दा उनीहरुलाई उक्त पदार्थ सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

लागूऔषध सहित ४ जना मानिस पक्राउ ।
२०७८-०९-३०

लागूऔषध सहित ४ जना मानिस पक्राउ मिति २०७८।०९।२८ र २९ गते यस कार्यालय मातहत बिभिन्न स्थानमा चेकजाँच गर्ने क्रममा  १२.३ ग्राम लागु औषध (ब्राउन सुगर) सहित भारतबाट नेपाल तर्फ आउँदै गरेका निम्न मानिसहरुलाई पक्राउ गरी लागु औषध मुद्दामा आवश्यक अनुसन्धान भईरहेको । घटना नं.-१ पक्राउ मिति:-२०७८।०९।२८ गते । पक्राउ परेको स्थान:- जिल्ला बर्दिया बढैयाताल गाउँपालिका-०२ पक्राउ पर्ने मानिसहरु:- जिल्ला बाँके खजुरा गाँउपालिका -०२ बस्ने बर्ष ३३ को दिवश भण्डारी र ऐ.ऐ.-०५ बस्ने बर्ष २१ को बिशाल परियार बरामद लागु औषधको परिमाण:- १ ग्राम ४०० मिलिग्राम बरामद अन्य सामान :- मोबाईल थान -२ घटना नं.-२ पक्राउ मिति:-२०७८।०९।२९ गते । पक्राउ परेको स्थान:- जिल्ला बर्दिया बढैयाताल गाउँपालिका-०७ पक्राउ पर्ने मानिसहरु:- जिल्ला दैलेख गुँरास गाउँपालिका-०३ बस्ने बर्ष ३० को तुलाराम शर्मा बरामद लागु औषधको परिमाण:- ७ ग्राम ४४० मिलीग्राम बरामद अन्य सामान :- मोटरसाईकल थान-१, मोबाईल थान-१ घटना नं.-३ पक्राउ मिति:-२०७८।०९।२९ गते । पक्राउ परेको स्थान:- जिल्ला बर्दिया बढैयाताल गाउँपालिका-०८ पक्राउ पर्ने मानिसहरु:- जिल्ला बर्दिया गुलरिया नगर पालिका वडा  नं.०४ बस्ने बर्ष २० को बिपन सुनार बरामद लागु औषधको परिमाण:- ३ ग्राम ४६० मिलीग्राम बरामद अन्य सामान :- मोटरसाईकल थान-१, मोबाईल थान-१

लागूऔषध सेवन प्रयोग हुने विभिन्न सामान र श्रोत नखुलेको रु. ३५,८५,२१४ ।- रुपैयाँ सहित मानिस नियन्त्रणमा ।
२०७८-०९-२५

कपिलवस्तु पौष २३,  कपिलबस्तु नगरपालिका वडा नं. ०९ हर्नामपुर घर भएका चेतन खटिक भन्ने राम बहादुर खटिकको घरबाट लागूऔषध सेवनमा प्रयोग हुने विभिन्न सामाग्रीहरु सहित श्रोत नखुलेको रु. ३५,८५,२१४।- रुपैयाँ बरामद भएको छ । मिति २०७८।०९।२३ गते अन्दाजी राति २४:०० बजेको समयमा चेतन खटिक भन्ने राम बहादुर खटिकको घरमा लागूऔषधको कारोबार भई रहेको छ भन्ने गोप्य सूचनाको आधारमा प्र.नि. दिनेश गुरुङको कमाण्डमा प्रहरी टोली खटी गई निजको घर रितपुर्बक खान तलासी गर्ने क्रममा निज सुत्ने कोठामा रहेको बाक्सामा स्रोत नखुलेको नेपाली रु. २,४३,३८५ ।- (अक्षरुपी दुई लाख त्रिचालिस हजार तीन सय पचासी रुपैयाँ) र भारतिय रु. २,६३० ।- (अक्षरुपी दुई हजार छ तीस रुपैयाँ) र सोही कोठामा रहेको स्टिलको दराजमा श्रोत नखुलेको नेपाली रु. ३०,४२,८०५ ।- (अक्षरुपी तिस लाख बयालिस हजार आठ सय पाँच रुपैयाँ) र भारतिय रु. १,८२,४१० ।- (अक्षरुपी एकलाख बयासी हजार चार सय दश रुपैयाँ) रकम एक मुष्ठ जोड गर्दा नेपाली रु. ३५,८५,२१४ ।- (अक्षरुपी पैतिस लाख पचासी हजार दुई सय चौध रुपैयाँ) , उक्त दराज तथा बाक्सामा बिभिन्न कम्पनीका १६ थान मोबाईल, लागूऔषध सेवन गर्न प्रयोग हुने स्टिल पेपर रोल थान १, बिभिन्न कलरको लाईटर थान १०, लागूऔषध सेवन गर्न प्रयोग भएको स्टिल पेपर थान ४, स्टिलको थाल थान १, चक्कु थान १, लागूऔषध सेवन गर्न प्रयोग भएको कागजको रोल थान २, ब्लेडको आधा टुक्रा थान १ र लागूऔषध सेवन गर्न प्रयोग भएको भारतिय १ रुपैयाँको सिक्का समेत वरामद गरी, निज चेतन खटिक भन्ने राम बहादुर खटिकलाई नियन्त्रणमा लिई थप अनुसन्धान भई रहेको छ ।

लागू औषध सहित मानिस नियन्त्रणमा
२०७८-०८-२८

दाङ,२८  मिति २०७८।०८।२८ गते ईलाका प्रहरी कार्यालय तुलसीपुरबाट खटिएको प्रहरीले अबैध लागूऔषध ब्राउनसुगर सहित १० जनालाई  साँझ पक्राउ गरेको छ । पक्राउ पर्ने मध्ये तुलसीपुर उपमहानगरपालिका-१ भम्के बस्ने २२ वर्षीय बिनोद भण्डारी समेत ४ जना सोही उपमहानगरपालिका-५ आलुमण्डीमा ५ सय ४० मिलिग्राम, तुलसीपुर उपमहानगरपालिका-५ ट्याक्सी पार्क बस्ने २५ वर्षीय  अमर गन्दर्भ समेत ४ जना २ सय १० मिलिग्राम र  तुलसीपुर उपमहानगरपालिका-१८ बेलझुण्डी बस्ने २३ वर्षीय कैलाश सुनार समेत २ जना ९ सय ४० मिलिग्राम अवैध लागूऔषध ब्राउनसुगर सहित फेला परेका हुन् ।         यस सम्बन्धमा प्रहरीले थप अनुसन्धान गरिरहेको छ ।

लागूऔषध सहित मानिस नियन्त्रणमा
२०७८-०८-२२

 बाँके मंसिर २२,नेपालगंजमा भारतबाट नेपालतर्फ ल्याउदै गरेको लागूऔषध ब्राउन सुगर सहित मानिस पक्राउ पक्राउ परेका छन्। पक्राउ पर्नेमा जिल्ला बाँके नेपालगंज उ.म.न.पा.१६ जयसपुर बस्ने बर्ष अं.३० को सेर जोलाहा हुन।  मिति २०७८।०८।२२ गते अन्दाजी १४;३० बजेको समयमा जिल्ला बाँके नेपालगंज उ.म.न.पा.१६ जयसपुर स्थित यस चौकी र ला.औ.नि.ब्युरो नेपालगंज बाँकेबाट  खटिएको संयुक्त टोलीले चेकजाँच गर्ने क्रममा  जोलाहाको साथबाट भारतबाट अबैध रुपमा नेपालतर्फ ल्याउदै गरेको ला.औ.ब्राउनसुगर  ५ ग्राम ५०० मिलीग्राम बरामद गरी मानिस सहित नियन्त्रणमा ल्याई आवस्यक कार्वाहीको लागी  जिल्ला प्रहरी कार्यालय बाँकेमा पठाइएको छ ।

१७ लाख बराबरको अबैध सामान पक्राउ
२०७८-०८-२२

रुपन्देही मंसिर २२, रुपन्देही ओमसतिया गाउँपालिका वडा नं.४ बालापुरबाट १७ लाख बराबरको अबैध सामान र सवारी साधन बरामद गरिएको छ।  मिति २०७८।०८।२२ गते बिहान अं.०४:०० बजेको समयमा जिल्ला प्रहरी कार्यालय रुपन्देहीबाट खटिएको प्रहरी टोलीले जिल्ला रुपन्देही ओमसतिया गाउँपालिका वडा नं.४ बालापुर स्थितमा लु १ ज ४०१२ नं.को बलेरो पिकअप जिप रोकी चेकजाँच गर्ने क्रममा सो बलेरो जिप भित्र अबैध रुपमा भारत बाट नेपाल तर्फ भन्सार छली चोरी पैठारी गरी ल्याउँदै गरेको लेडिज सुट ३१९ पिस, बिभिन्न मेसिनरी उपकरणका पाटपुर्जा १६७ पिस, मेसीनरी नट १ बोरा, सुपर फास्ट ४४३ पिस, Doco Necol Thiner ३ थान गरी अन्दाजी रु. ८,००,०००। बराबरको सामान र बलेरो पिकअप जिपको अन्दाजी मुल्य रु. ९,००,०००।- सहित अन्दाजी मुल्य रु.१७,००,०००/-(सत्र लाख) बराबरको अबैध सामानहरु फेला पारी चालक समेतलाई नियन्त्रणमा लिई आवश्यक कारवाहीको लागि भन्सार कार्यालय बेलहिया रुपन्देही पठाईएको छ।

गैडाको खाग सहित मानिस नियन्त्रणमा
२०७८-०८-२२

रुपन्देही मंसिर २२, जिल्लाको बुटवल उप-महानगरपालिका वडा नं. ५ मा रहेको हरियाली होटलबाट ४ जना मानिस सहित गैडाको खाग बरामद गरिएको छ । मिति २०७८।०८।२२ गते अन्दाजी १६:०० बजेको समयमा गैडाको खागको कारोवार गर्ने मानिसहरु रहेको भन्ने सुचनाको आधार  खटिएको प्रहरी टोलीले जिल्ला रुपन्देही वुटवल उप-महागनरपालिका नं.५ न्यूरोड स्थितमा रहेको हरियाली होटल एण्ड लजको चौथो तलाको ११८ नम्बर कोठामा शंकास्पद रुपमा बसेका जिल्ला अर्घाखाँची छत्रकोट गा.पा.वडा नं.७ सुर्यथुम बस्ने वर्ष ४८ को नर बहादुर सुनार,ऐ.ऐ. बस्ने वर्ष ५८ को पदम  सुनार र ऐ.ऐ. वडा नं.५ रानीचाप बस्ने वर्ष २८ को सुमन न्यौपानेलाई तलासी लिदा निजहरु मध्येका सुमन न्यौपानेले लगाएको ज्याकेटको वाया भित्री गोजिमा  कालो रङको ४  ईन्च गोलाई र ४ ईन्च लम्बाई भएको गैडाको खाग बदामद भएको हो । निजहरुलाई नियन्त्रणमा लिई थप अनुसन्धान भई रहेको छ।

१८ लाख बराबरको अबैध सामान पक्राउ
२०७८-०८-१९

रुपन्देही, बुटवल उपमहानगरपालिका-२ तिनाउपुलमा अवैध रुपमा ल्याउँदै गरेकोकरिब १८ लाख रुपैयाँ मूल्य बराबरका विभिन्न कम्पनीका जुत्ताहरूसहित सैनामैनानगरपालिका-४ मुर्गिया बस्ने ३२ वर्षीय बिष्णु थारुलाई आइतबार बिहान प्रहरीले पक्राउ गरेकोछ । कपिलवस्तुबाट बुटवलतर्फ जाँदै गरेको लु.१ च ८२१३ नम्बरको बलेरोलाई जिल्ला प्रहरीकार्यालय रुपन्देहीबाट खटिएको प्रहरीले जाँच गर्ने क्रममा उक्त गाडीमा अबैध रुपमा ल्याउँदैगरेको उक्त सामानसहित गाडीका चालक बिष्णुलाई प्रहरीले पक्राउ गरेको हो । बरामद भएकोसामान आवश्यक कारबाहीका लागि भन्सार कार्यालय बेलहिया रुपन्देही पठाईएको छ ।यस सम्बन्धमा प्रहरीले थप अनुसन्धान गरिरहेको छ ।

ब्राउन सुगर सहित २ जना पक्राउ ।
२०७८-०८-१४

बर्दिया मिति २०७८।०८।१४ गते जिल्ला प्रहरी कार्यालय बर्दिया तथा इलाका प्रहरी कार्यालय मैनापोखर बर्दियाबाट खटिएको संयुक्त प्रहरी टोलीले जिल्ला बर्दिया बढैयाताल गा.पा. वडा नं.०७ कर्णालीपुर स्थित फुटाह - कण्ठपुर सडकमा रहेको कर्णालीपुलमा बेलुका अं. ०५:१५ बजेको समयमा शंकास्पद रुपमा बसिरहेको अवस्थामा जिल्ला बर्दिया बढैयाताल गाउँपालिका वडा नं.०२ सीतापुर बस्ने वर्ष २२ को प्रदिप सुनार र ऐ.ऐ. वडा नं. ०७ बस्ने वर्ष २१ को विशाल सिंह ठकुरीलाई चेकजाँच तथा शरीर खानतलासी गर्दा ९६० मिली ग्राम लागू औषध (ब्राउनसुगर) फेला पारी उक्त लागू औषध सहित दुवै जनालाई नियन्त्रणमा लिई जिल्ला प्रहरी कार्यालय बर्दियामा राखी थप आवश्यक अनुसन्धान कार्य भइरहेको ।                                                                                          

ब्राउन सुगर सहित भारतिय नागरिक पक्राउ ।
२०७८-०८-१४

बर्दिया २०७८।०८।१४ गते इलाका प्रहरी कार्यालय ढोढरी बर्दिया र लागू औषध नियन्त्रण ब्यूरो शाखा कार्यालय नेपालगञ्ज बाँकेबाट खटिएको संयुक्त प्रहरी टोलीले जिल्ला बर्दिया मधुवन नगरपालिका वडा नं.. ५ स्थित देश भारत जिल्ला बहराइच तहसिल मिपुरुवा सुजौली थाना फकिरपुर बस्ने वर्ष २२ को रोहित कुमार गुप्तालाई शंका लागी रोकी चेकजाँच तथा खानतलासी गर्दा निजको शरीरको विभिन्न भागमा लुकाई छिपाई राखेको अवस्थामा १८ ग्राम ७६० मिली ग्राम लागू औषध (ब्राउनसुगर) फेला पारि लागू औषध सहित नियन्त्रणमा लिई थप आवश्यक अनुसन्धानको लागी जिल्ला प्रहरी कार्यालय बर्दियामा राखिएको ।  

प्रहरी महानिरीक्षक शैलेश थापा क्षेत्रीबाट नवनिर्मित बहुउद्देश्यीय भवन उद्‍घाटन
२०७८-०८-०२

रुपन्देही, प्रहरी महानिरीक्षक शैलेश थापा क्षेत्रीले लुम्बिनी प्रदेश प्रहरी तालिम केन्द्र बुटवल रुपन्देहीको परिसरमा नवनिर्मित बहुउद्देश्यीय भवनको बिहीबार आयोजित एक कार्यक्रमबीच उद्‍घाटन गर्नुभयो । उहाँले उक्त भवनको निरीक्षण गर्नुका साथै सोही परिसरभित्र वृक्षरोपण समेत गर्नुभयो ।उक्त अवसरमा प्रहरी महानिरीक्षक थापा क्षेत्रीले निर्माण कार्यमा सहयोग प्रत्यक्ष वा अप्रत्यक्ष सहयोग पुर्‍याउने सम्पूर्ण महानुभावहरूलाई धन्यवाद दिनुहुँदै भवनको समुचित प्रयोग गर्न उपयुक्त कार्यबिधि निर्माण गरी संरक्षण एवं सम्वर्दन गर्नुपर्ने उल्लेख गर्नुभयो ।सीमित साधन स्रोतका बाबजुद उत्कृष्ट प्रहरी सेवा प्रदान गर्नुपर्ने बताउँदै प्रहरी महानिरीक्षक थापा क्षेत्रीले भन्नुभयो, ‘नागरिकलाई प्रदान गर्ने सेवामा कुनैपनि सम्झौता गर्न सक्दैनौ । प्रहरीले जनताप्रति देखाउने व्यवहार र प्रहरी सेवामा सुधार गर्दै क्रियाशिल हुनुपर्छ ।’ महिला तथा बालबालिका विरुद्ध हुने हिंसामा शून्य सहनशिलता अपनाई पीडित महिला एवं बालबालिकाहरूले पाउनुपर्ने सद्‌भावपूर्ण व्यवहार एवं परामर्श र पीडकहरूले पाउनुपर्ने सजायको निम्ती कटिबद्ध हुन उपस्थित प्रहरी कर्मचारीहरुलाई उहाँले निर्देशन समेत दिनुभयो । लुम्बिनी प्रदेश प्रहरी कार्यालय दाङका प्रमुख प्रहरी नायव महानिरीक्षक मुकुन्द राज आचार्यले धन्यवाद ज्ञापन गर्नुभएको उक्त कार्यक्रममा FCDO (Foreign, Commonwealth and Development Office), UK का प्रतिनिधि डा. करुणा वन्त र प्रोजेक्ट मेनेजर कोमल कार्कीले मन्तव्य व्यक्त गर्नुभएको थियो । लुम्बिनी प्रदेश प्रहरी तालिम केन्द्र बुटवलका समादेशक प्रहरी वरिष्ठ उपरीक्षक राम दत्त जोशीले स्वागत मन्तव्य व्यक्त गर्नुभएको थियो । FCDO को सहयोगमा UNOPS अन्तर्गत Modernization and Improvement of Policing Project (MIPP) आयोजनाबाट कूल ७ करोड ७६ लाख ६३ हजार २ सय ३२ रुपैयाँ ८१ पैसा लागतमा उक्त भवन निर्माण कार्य सम्पन्न भएको हो । कार्यक्रममा प्रहरी नायव महानिरीक्षकहरू, लुम्बिनी प्रदेशस्थित प्रहरी अधिकृतहरू, स्थानीय जनप्रतिनिधिहरू, सञ्चारकर्मीहरूको उपस्थिति रहेको थियो ।यसैगरी प्रहरी महानिरीक्षक शैलेश थापा क्षेत्रीले संघीय प्रहरी ईकाई कार्यालय भैरहवा रुपन्देहीमा बिहीबार आयोजित कार्यक्रममा लुम्बिनी प्रदेश प्रहरी कार्यालय मातहतका लुम्बिनी प्रदेश तालिम केन्द्र बुटवल, लुम्बिनी प्रदेश ट्राफिक कार्यालय बुटवल, दङ्गा नियन्त्रण प्रहरी गण सुनवल नवलपरासी, जिल्ला प्रहरी कार्यालय रुपन्देही, जिल्ला प्रहरी कार्यालय नवलपरासी(पश्चिम), जिल्ला प्रहरी कार्यालय कपिलवस्तुका प्रमुखहरु तथा मातहत विभिन्न प्रहरी ईकाईका प्रमुखहरुलाई समसामहिक बिषयमा निर्देशन समेत दिनुभयो । निर्देशनको क्रममा प्रहरी महानिरीक्षक थापा क्षेत्रीले समाजमा हुने आपराधिक कृयाकलाप लगायत महिला तथा बालबालिका विरुद्ध हुने अपराधमा थप संवेदनशील भई जिम्मेवारी वहन गर्नुपर्ने बताउनुभयो । कानुन कार्यान्वयनको सिलसिलामा कुनैपनि सम्झौता गर्न नहुने बताउँदै उहाँले संगठनले लिएको नीति एवं कार्ययोजनाप्रति कटिबद्ध रहन समेत बताउनुभयो । 

लागु औषध सहित मानिस नियन्त्रणमा
२०७८-०७-३०

कात्तिक, ३०मिति २०७८।०७।३० गते अ.२१:०० बजेको समयमा जिल्ला रुपन्देही बुटवल उप महानगरपालिका वडा न.-५ नेपालगंज रोड स्थित पूर्वाञ्चल होटल एण्ड लजमा लागु औषध ब्राउनसुगरको कारोबार भैरहेको भन्ने गोप्य सूचनाको आधारमा ईलाका प्रहरी कार्यालय बुटवल रुपन्देहीबाट खटिएको प्रहरी टोलीले उक्त होटलको कोठा नं.१०१ मा चेकजांच गर्ने क्रममा जिल्ला नवलपरासी प्रतापपुर गाउपालिका वडा नं. ५ बस्ने बर्ष ३५ को मोहमद अफ्रोज मिया र जिल्ला रुपन्देही बुटवल उप-महानगरपालिका १ बस्ने बर्ष ४३ कि सम्झना हलुवाईको साथबाट २७ पुरिया (तौल २७ ग्राम ८०० मिलि ग्राम) लागु औषध ब्राउनसुगर जस्तो देखिने धुलो खैरो पदार्थ फेला परेको हुँदा निजहरुलाई ईलाका प्रहरी कार्यालय बुटवल रुपन्देहीको नियन्त्रणमा लिई थप अनुसन्धान  कार्य भईरहेको ।

लागू औषध सहित मानिस नियन्त्रणमा
२०७८-०७-२५

दाङ, कात्तिकमिति २०७८/०७/२५ गते अन्दाजी १५:३०  बजे जिल्ला दाङ राप्ती गाउँपालिका वडा नम्बर ०१ पाखापानी स्थित पूर्व पश्चिम राजमार्गमा, गोप्य सूचनाको आधारमा ऐ. ऐ. बस्ने वर्ष १७ को मनोज पौडेललाई शंका लागी चेकजाँच गर्ने क्रममा निजले आफूले लगाएको जुत्ता भित्र लुकाई छिपाई राखेको अवस्थामा रहेको लागू औषध ब्राउन सूगर ) जस्तो देखिने खैरो पदार्थ ३ पोका फेला परेको र निज मनोज पौडेललाई सोधपुछ गर्ने क्रममा ऐ.ऐ. स्थानमा रहेको मेरो घरको सुत्ने कोठामा ऐ.ऐ. २ बस्ने वर्ष २१ को उमेश गुरुङ रहेको र निजले दिएको हो भनी जानकारी गराएकोमा सोही घरको कोठा चेक जाँच गर्ने क्रममा उमेश गुरूङ्गको साथ बाट ४ पोका लागू औषध ब्राउन सूगर ) जस्तो देखिने खैरो पदार्थ फेला परेको, दुबै जना सँग फेला परेको उक्त लागू औषध तत्काल तौल गर्दा अं.१ ग्राम ९२ मिली ग्राम रहेको उक्त पदार्थ सहित दुबै जनालाई नियन्त्रणमा लिई इलाका प्रहरी कार्यालय भालुबाङ दाङमा राखी थप आवश्यक अनुसन्धान कार्य भइरहेको ।

लागु औषध ब्राउन सुगर सहित मानिस नियन्त्रणमा ।
२०७८-०७-११

कपिलवस्तु,२०७८।०७।११ गते अन्दाजी १५:३० बजेको समयमा जिल्ला कपिलवस्तु मायादेवी गाउँपालिका वडा नम्बर ४  चाकरचौडा स्थित नेपाल भारत सिमाना गेट स्थितमा रहेको चेक प्वाइन्टमा गोप्य सूचनाको आधारमा सूचना प्राप्त हुनासाथ सिमा प्रहरी चौकी चाकरचौडाबाट प्रहरी नायव निरीक्षकको कमाण्डमा ३ जनाको टोलि खटिगई जिल्ला कपिलवस्तु बाणगंगा नगरपालिका वडा नम्बर ०८ धनेशपुर बस्ने वर्ष २६ को बिजय खत्रीको शरीर खानतलासी गर्दा निजले लगाएको Under Wear भित्र कालो प्लास्टिकको स-साना २२ वटा पोकामा लुकाइ छिपाई राखेको अवस्थामा सोहि पोकाहरु खोलि हेर्दा गिलो खैरो रङको लागु औषध ब्राउन सुगर जस्तो देखिने पदार्थ प्लास्टिक सहित १२४ ग्राम (डिजिटल तौल मापन यन्त्रद्धारा मापन गरिएको ।) र मानिस समेतलाइ नियन्त्रणमा लिई जिल्ला प्रहरी कार्यालय कपिलवस्तुमा राखी थप आवश्यक अनुसन्धान भईरहेको ।

खोलाले मानिस बगाएर ३ जना मानिस बेपत्ता
२०७८-०७-०३

प्युठान, ०३ कार्तिक,प्युठान जिल्लामा खोलाले बगाएर तीन जना मानिसहरु बेपत्ता भएका छन् । कार्तिक १ गते देखि परेको अबिरल वर्षाका कारण माण्डवी गाउँपालिका वडा नं. ४ अरङखोलामा आएको बाढीले मिति २०७८।०७।०३ गते अन्दाजी ९:४५ बजेतिर खोला तर्ने क्रममा तीन जना मानिसरहरु वेपत्ता भएका हुन् । बेपत्ता हुनेमा जिल्ला प्युठान, माण्डवी गा.पा.-४ आँपचौर बस्ने टेक बहादुर कार्कीको श्रीमती बर्ष २८ की देवीसरा कार्की,    निजको छोरा बर्ष २ को दिनेश कार्की,  मधु अधिकारीको छोरी बर्ष ८ की अनुष्का अधिकारी रहेका छन् । निजहरुको खोजी कार्य जारी रहेको छ । 

लागु औषध सहित मानिस नियन्त्रणमा
२०७८-०७-०१

रुपन्देही, कात्तिक, ०१ मिति २०७८।०७।०१ गते अं.१७:०० बजेको समयमा जिल्ला रुपन्देही  मर्चवार गा.पा.वडा नं. ०२ मुडिला स्थित  ईलाका प्रहरी कार्यालय मर्चवार रुपन्देही मातहत  प्र.चौ. गुलरिया रुपन्देहीबाट खटिएको गस्ती टोलोले लु. ७८ प. ५६८५ नं.को मोटरसाईकललाई शंका लागि चेक जाँच गर्ने क्रममा मोटरसाईकल सवार जिल्ला रुपन्देही मर्चवार गा.पा.५ बस्ने वर्ष अं.२१ को राहुल पाण्डेको साथबाट १०५ ट्याबलेट NITRAZEPAM (प्रतिबन्धित लागु औषध) फेला पारी निज मोटरसाईकल चालक जिल्ला रुपन्देही मर्चवारी गा.पा. ५ ओडवलिया बस्ने वर्ष अं. १८ को निरज यादव सहित मोटरसाईकललाई नियन्त्रणमा लिई  आवश्यक कारबाहीको लागि ईलाका प्रहरी कार्यालय मर्चवार रुपन्देहीमा राखि थप अनुसन्धान कार्य भईरहेको ।

४ किलो २१.४९ ग्राम सुन जस्तो बस्तु सहित मानिसहरु पक्राउ
२०७८-०६-१६

बाँके, २०७८ भाद्र १८जिल्लाको नेपालगंज उप-महानगरपालिका वडा नं. २० राँझा विमानस्थलबाट ४ किलो २१.४९ ग्राम सुन जस्तो देखिने पहेलो बस्तु बरामद भएको छ । काठमाण्डौबाट नेपालगंज आउने १४:०० बजेको श्री एयर लाईन्सको SHA433 नं. को विमानमा सवार जिल्ला झापा साविक खादुनावारी गा.वि.स. वडा नं. ६ बस्ते वर्ष २६ का अमिर लगुन विश्वकर्मा र जिल्ला मोरङ साविक लेटाङ गा.वि.स. वडा नं.२ बस्ने वर्ष २६ को बुद्दीमान खातीलाई चेकजाँच गर्ने क्रममा अमिर लगुन विश्वकर्माले लगाएको दाँया बाँया जुत्ताभित्र रहेको सुन जस्तो देखिने २/२ थान विस्कुट र वुद्दीमान खातीले लगाएको दाँया बाँया जुत्ताभित्र रहेको सुन जस्तो देखिन १/१ थान विस्कुट गरी जम्मा ६ थान विस्कुट र वुद्दीमान खातीले बोकेको लेदरको कालो रंगको झोला चेकजाँच गर्दा सो झोला भित्र रहेको तिलहरी थान-१, बाला थान-१ गणेश लकेट थान-५ गरी जम्मा ४ किलो २१.४९ ग्राम सुन जस्तो पहेलो बस्तु अन्दाजी मुल्य ३,१३,२७,०००। बराबरको फेला पारी बरामद गरी घटनाको थप अनुसन्धान भै रहेको छ ।

“६१ क्विन्टल ३० केजी केराउ, ट्याक्टर सहित मानिस नियन्त्रणमा ”
२०७८-०६-१६

बर्दिया, भाद्र २२बर्दिया, मधुबन नगरपालिका वडा नं. ५ गाउँ नं. ११ बडगाँउबाट भे.१ त.९६५५ नं.को ट्याक्टर सहित ६१ क्विन्टल ३० किलोग्राम मटर प्रहरीले बरामद गरेको छ।  जिल्ला प्रहरी कार्यालय बर्दिया र ईलाका प्रहरी कार्यालय सानोश्री बर्दियाबाट खटिएको प्रहरी टोलीले  मधुबन नगरपालिका वडा नं.७ बस्ने वर्ष २० को राम कुमार चौधरीले चलाएको भे.१ त.९६५५ नं.को ट्याक्टरमा लोड गरी चोरी निकासी गरी भारततर्फ लैजादै गरेको  ३९ क्विन्टल ३० किलोग्राम र चोरी निकासी गर्ने उद्देश्यले सोही स्थान नजिकै भण्डार गरी राखेका  २२ क्विन्टल गरी जम्मा मुल्य रू. ४,३०,५००/- बराबरको ६१ क्विन्टल ३० किलोग्राम केराउ फेला पारी रितपुर्वक बरामद गरी ट्याक्टर सहित मानिसलाई नियन्त्रणमा लिई आबश्यक कारबाहीको लागी राजापुर भन्सार कार्यालय गुलरिया बर्दियामा पठाईएको छ ।  

लागु औषध (ब्राउन सुगर) सहित मानिस नियन्त्रणमा ।
२०७८-०६-१६

बाँके, २०७८ भदौ २२मिति २०७८।०५।२२ गते अं. १६;४५ बजेको समयमा जिल्ला बाँके नेपालगंज उप‍-महानगरपालिका वडा नं. १५ को चेक प्वाइन्ट स्थित  ईलाका प्रहरी कार्यालय जमुनाह बाँके र लागु औषध ब्युरोको संयुक्त टोलिले जिल्ला बाँके कोहलपुर नगरपालिका वडा नं. १५ चन्नहवा बस्ने बर्ष २८ को रामदेव थारुलाई शंका लागि चेकजाँच गर्ने क्रममा निजले चप्पलमा लुकाई ल्याएको ४ ग्राम ५ मिलि ग्राम ब्राउन सुगर फेला पारी मानिस सहित नियन्त्रणमा लिई आवश्यक अनुसन्धानको लागि ईलाका प्रहरी कार्यालय जमुनाह बाँकेमा राखी अन्य थप अनुसन्धान कार्य भईरहेको ।

मानिस र ट्रक सहित हरियो मटर बरामद
२०७८-०६-१६

नवलपरासी पश्चिम,भदौ २६२०७८।०५।२६ गते जिल्ला नवलपरासी सुनवल नगरपालिका वडा नम्बर १२ हरकट्टा स्थित माँ वैष्णो ट्रेडर्समा ना ६ ख ५३०१ नम्बरको ट्रकबाट हरियो मटर (केराउ)  अनलोड गर्दै गरेको अवस्थामा शंका लागि नियन्त्रणमा लिई जिल्ला प्रहरी कार्यालय नवलपरासी पश्चिममा ल्याई राखेकोमा उक्त ट्रकमा रहेको हरियो मटर ८४० बोरा २१ टन अं.मुल्य रु. १८,९०,०००/- बराबरको र ना ६ ख ५२०१ नं.को ट्रक थान १ अं. मुल्य रु. १०,००,०००/- बराबरको गरी ( जम्मा अं. मुल्य रु. २८,९०,०००/- बराबरको) र चालक सहितलाई अन्य थप आवश्यक अनुसन्धान एवं कारवाहीको लागि २०७८/०५/२७ गते गते अं. ०९:४५ बजे राजस्व अनुसन्धान कार्यालय बुटवल रुपन्देहीमा पठाएको ।

कुखुराको चल्ला बरामद
२०७८-०६-१०

नवलपरासी (पश्चिम) १० असोज,नवलपरासी (पश्चिम्)मा अबैध रुपमा ढुवानी गरी रहेका १९९० गोटा बोइलर कुखुराको चल्ला बरामद भएको छ। मिति २०७८।०६।१० गते अं. १५:४५ बजे जिल्ला नवलपरासी बर्दघाट न.पा.- ४ टि.सि.एन.चोकमा ई.प्र.का. बर्दघाट नवलपरासी पश्चिमबाट खटिएको प्रहरी टोलीले चेकजाँच गर्ने क्रममा  ना ४ च ९३३९ नं. को पिकअप गाडीमा अबैध रुपमा लैजादै गरेको १९९० गोटाको जम्मा अं. मुल्य रु. १,९९,०००/- बराबरको बोईलर कुखुराको चल्लाहरु फेला पारी नियन्त्रणमा लिई पशु क्वारेन्टाईन कार्यालय महेशपुर नवलपरासीबाट खटिआएको कर्मचारीको रोहबरमा  नष्ट गरिएको, पिकअप र चालक आवश्यक कार्वाहीको लागी पशु क्वारेन्टाईन कार्यालय महेशपुर नवलपरासी पठाईएको जिल्ला प्रहरी कार्यालय नवलपरासी पश्चिमले जानकारी दिएको छ ।

सवारी दुर्घटनाबाट मृत्यु
२०७८-०६-०७

नवलपरासी (पश्चिम)  असोज १०,नवलपरासी (पश्चिम) मा ट्रकको ठक्करबाट मोटरसाइकल चालकको मृत्यु भएको छ । मृत्यु हुनेमा रुपन्दे‍ही जिल्ला बुटवल उप-महानगरपालिका वडा नं. १५ सेम्लार बस्ने वर्ष २५ को सौरभ सुवेदी सुवेदी रहेका छन् । मिति २०७८।०६।१० गते  अं. १४:३० बजे जिल्ला नवलपरासी  सुनवल न.पा.- १२ नबिनटोल स्थित पूर्व-पश्चिम राजमार्गमा पूर्वबाट पश्चिमतर्फ आउदै गरेको  ना ८ ख २८७७  नं.  को ट्रकले  विपरित दिशातर्फ जाँदै गरेको प्रदेश ३-०२-००८ प  ४३२३  नं. को  मोटरसाइकल लाई  ठक्कर दिंदा  मोटरसाइकल चालक  सौरभ  सुवेदी गम्भिर घाईते भई  उपचारको लागी जिल्ला अस्पताल परासी लगिएकोमा निजको उपचारको क्रममा मृत्यु भएको छ । ट्रक चालक, ट्रक र मोटरसाइकल प्रहरीले नियन्त्रणमा लिएको जिल्ला प्रहरी कार्यालय नवलपरासी (पश्चिम) ले जनाएको छ। प्युठान असोज १०,प्यूठानमा टिप्परको ठक्करबाट एकजना पैदलयात्रीको मृत्यु भएको छ। मृत्यु हुनेमा जिल्ला प्यूठान नौबहिनि गा.पा. ८ अधेरी खोला बस्ने वर्ष ३८ को एम बहादुर दमाई हरेका छन्।  मिति २०७८।०६।१० गते अन्दाजी १९:३० बजेको समयमा जिल्ला  प्युठान, नौबहिनि गा.पा. ८ अधेरी खोलामा बाग्दुला देखि लुप्लुङ चुनढुंगा खानिमा ईटा लिई जादैगरेको लु.१.क १३५७ न. को.टिप्परले पैदल यात्री यम बहादुर दमाइलाई ठक्कर दिई गम्भिर घाइते भएका थिए। निजलाई उपचारको लागि भैरहवा लादै गर्दा बाटोमै मृत्यु भएको छ। टिप्पर र टिप्पर चालकलाई प्रहरीले नियन्त्रणमा लिईएको छ।बाँके, कोहलपुर नगरपालिका-९ पार्वतीपुर नजिक सडकमा लु.१ च ६९८७ नम्बरको गाडीको ठक्करबाट पैदलयात्री सोही नगरपालिका-८ पिपिरी बस्ने ३५ वर्षीय धर्मराज घर्तीको आइतबार राति मृत्यु भएको छ । ठक्करबाट गम्भीर घाइते भएका उनको मेडिकल कलेज कोहलपुरमा उपचारको क्रममा मृत्यु भएको हो । गाडी चालकलाई प्रहरीले नियन्त्रण लिएको छ ।

लागु औषध सहित मानिस नियन्त्रणमा ।
२०७८-०६-०७

रूपन्देही, असोज ०७२०७८।०५।०७ गते अंदाजी १५:३० बजेको समयमा ईलाका प्रहरी कार्यालय मझगवाँ रूपन्देहीबाट खटिएको प्रहरी टोलीले  जिल्ला रुपन्देही मायादेवी गाउँपालिका वडा नम्बर ०५ गोनाहचोकमा लु ४४ प ५८६० नंम्बरको मोटरसाईकललाई संका लागी चेकजाँच गर्ने क्रममा भारतबाट अबैध रुपमा ल्याउँदै गरेको WINROF नामक लागुऔषध २७ बोत्तल ( प्रति बोत्तल 100 ml) का दरले जम्मा (2700ml) र मोटरसाईकल चालक जिल्ला रूपन्देही मायादेवी गाउँपालिका वडा नम्बर ०६ बस्ने बर्ष अंदाजी ३४ को नन्दलाल मल्लाह र मोटरसाईकल सहित नियन्त्रणमा लिई जिल्ला प्रहरी कार्यालय रूपन्देहीमा राखी थप आवश्यक अनुसन्धान कार्य भईरहेको ।

लागु औषध सहित २ जना मानिस पक्राउ ।
२०७८-०६-०७

रूपन्देही, असोज ०७२०७८।०६।०७ गते अं ११:२० बजेको समयमा  जिल्ला रुपन्देही रोहिणी गाउँपालिका वडा नम्बर ५ मझौनिचोकमा प्रहरी चौकी पिप्रहवा रुपन्देहीबाट खटिएको प्रहरी टोलिले संका लागि लु ४ प ११३४ नंबरको मोटरसाईकललाई रोकी चेकजाच गर्दा मोटरसाईकल चालक जिल्ला नवलपरासी रामग्रम नगरपालिका वडा नम्बर १६ वस्ने वर्ष १९ को इस्लाम चुरीहार ,ऐ.ऐ.वस्ने वर्ष २० को आलमगरी चुरीहारले मोटरसाईकलको लेगगाडमा झुण्ड्याई ल्याएको झोला चेकजाच गर्दा झोलामा रहेको डाईजेपाम २८१ सिसि, नोफिम ३१६   सिसि र   फेनोरागेन ३०५ सिसि सहित २ जना मानिसहरूलाई नियन्त्रणमा लिई जिल्ला प्रहरी कार्यालय रूपन्देहीमा राखी थप आवश्यक अनुसन्धान कार्य भईरहेको ।

२२५ क्विन्टल मटर सहित ६ भारतिय ट्रक प्रहरीको नियन्त्रणमा
२०७८-०६-०७

कपिलबस्तु ६ असोज,कपिलवस्तु कृष्णनगर नगरपालिका वडा नं. २ गल्लामण्डीबाट २२५ क्विन्टल हरियो मटर सहित ६ ट्रक प्रहरीले नियन्त्रणमा लिएको छ। मिति २०७८।०६।०६ गते  २१:४५ बजे  नेपालबाट भारततर्फ लैजानको लागि निम्न  ट्रकहरुमा  निम्नाअुसारको परिमाणमाट मटर लोड गरी बाटोमा रोकी राखेको अवस्थामा प्रहरीले ट्रकहरुबाट उक्त हरियो मटर बरामद गरेको छ ।                           निम्नUP35T2453 नं. हरियो केराउ (मटर) प्रति बोरा २५ के.जी. का दरले १४० बोरा (जम्मा ३५ क्विन्टल) हालको बजार मुल्य प्रति के.जी. रु.१,२०।– रुपैया । जम्मा मुल्य रु.४,२०,०००।-UP53T3658 नं. हरियो केराउ (मटर) बोरा २५ के.जी. का दरले १४० बोरा (जम्मा ३५ क्विन्टल) जम्मा ३५०० के.जी. । हालको बजार मुल्य प्रति के.जी. रु.१,२०।– रुपैया । जम्मा मुल्य रु.४२०,००।–UP-71T1184नं. हरियो केराउ (मटर) प्रति बोरा २५ के.जी. का दरले १४० बोरा (जम्मा ३५ क्विन्टल) जम्मा ३५०० के.जी. । हालको बजार मुल्य प्रति के.जी. रु. १,२०।- रुपैया । जम्मा मुल्य रु.४,२०,०००।–UP-55T1254 नं. हरियो केराउ (मटर) प्रति बोरा २५ के.जी. का दरले १४० बोरा (जम्मा ३५ क्विन्टल) जम्मा ३५०० के.जी. । हालको बजार मुल्य प्रति के.जी. रु. १,२०।- रुपैया । जम्मा मुल्य रु.४,२०,०००।-UP-55T0966 नं. हरियो केराउ (मटर) प्रति बोरा २५ के.जी. का दरले १४० बोरा (जम्मा ३५ क्विन्टल) जम्मा ३५०० के.जी. । हालको बजार मुल्य प्रति के.जी. रु. १,२०।- रुपैया । जम्मा मुल्य रु.४,२०,०००।-UP-78AT8825 नं. हरियो केराउ (मटर) प्रति बोरा २५ के.जी. का दरले २०० बोरा (जम्मा ५० क्विन्टल) जम्मा ५००० के.जी. । हालको बजार मुल्य प्रति के.जी. रु. १,२०।- रुपैया । जम्मा मुल्य रु.६,००,०००।-जम्मा केराउ (मटर) २२५क्विन्टल (२२,५०० के.जि.) को मुल्य जम्मा रु.२७,००,०००।– (सत्ताईस लाख) मात्र ।

अधिक लोड >>
कम देखाउनुहोस्