करेन्ट लागेर मृत्यु

२०७९-१२-०७

A
A^-
A⁺

नेपालगंज उपमहानगरपालिका-४ न्यूरोड बस्ने ४२ वर्षीया कल्ला कसगरको करेन्ट लागेर सोमबार राति मृत्यु भएको छ । आफ्नै घरमा मोटरको स्विच चलाउने क्रममा करेन्ट लागेर गम्भीर घाइते भएकी उनको उपचारको लागि अस्पतालतर्फ लैजाने क्रममा बाटोमै मृत्यु भएको हो ।

यस सम्बनधमा प्रहरीले थप अनुसन्धान गरिरहेको छ ।

सम्बन्धित समाचार

सवारी दुर्घटनामा तीन जनाको मृत्यु

२०८०-०२-२१

पाल्पा, रैनादेबी छहरा गाउँपालिका-८ किउरेछेडास्थित सडकमा लु.१ च ९०२४ नम्बरको जिप सडकबाट करिब ४० मिटर तल खसेर आइतबार साँझ दुर्घटना हुँदा ५ जनाको मृत्यु भएको छ । दुर्घटनामा गम्भीर घाइते भएका अर्घाखाँची पाणिनि गाउँपालिका-२ पोखराथोक बस्ने २ वर्षीय संयोग गौतमको उपचारको लागि लैजाने क्रममा बाटोमै, सोही गाउँपालिका-१ बस्ने ४४ वर्षीय बिजय पोखरेलको भैरहवा मेडिकल कलेजमा उपचारको क्रममा र जिप चालक सोही गाउँपालिका-१ पडेना बस्ने २६ वर्षीय रमेश विकसमेत ३ जनाको घटनास्थलमै मृत्यु भएको हो । अन्य १० जना घाइतेमध्ये ५ जनाको लुम्बिनी प्रादेशिक अस्पताल, १ जनाको बुटवल सौराहामा र ४ जनाको भैरहवा मेडिकल कलेजमा उपचार भइरेको छ ।

अवैध लागूऔषधसहित पक्राउ

२०८०-०२-१९

दाङ, घोराही उपमहानगरपालिका-१५ अपसरा होटलबाट अवैध लागूऔषध ब्राउनसुगर जस्तो देखिने पदार्थ १ सय ८० मिलिग्रामसहित सोही उपमहानगरपालिका-१६ बस्ने २४ वर्षीय राजन नेपालीसहित ३ जनालाई बिहीबार दिउँसो प्रहरीले पक्राउ गरेको छ ।विशेष सूचनाको आधारमा वडा प्रहरी कार्यालय घोराहीबाट खटिएको प्रहरीले जाँच गर्ने क्रममा होटलमा बसिरहेका उनीहरूलाई उक्त पदार्थसहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

सवारी दुर्घटनामा दुई जनाको मृत्यु

२०८०-०२-१९

नवलपरासी (पश्चिम), रामग्राम नगरपालिका-१० मन्झरियास्थित सडकमा हाल नम्बर नखुलेको सवारी साधनले लु. ७० प ४०५४ नम्बरको मोटरसाइकललाई शुक्रबार बिहान ठक्कर दिँदा मोटरसाइकलमा सवार सोही नगरपालिका-१६ हकुई बस्ने ३३ वर्षीय केशव प्रसाद यादवको मृत्यु भएको छ । दुर्घटनामा गम्भीर घाइते भएका उनको जिल्ला अस्पताल परासीमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार अन्य २ जनालाई थप उपचारको लागि मेडिकल कलेज भैरहवा रूपन्देही रिफर गरिएको छ । ठक्कर दिने सवारी साधनको प्रहरीले खोजी गरिरहेको छ । रूपन्देही, सिद्धार्थनगर नगरपालिका-६ स्थित सडकमा भे.१ च ३२९० नम्बरको पिकअपले लु.१३ प ९२४६ नम्बरको मोटरसाइकललाई बिहीबार राति ठक्कर दिँदा मोटरसाइकल चालक सोही नगरपालिका-१ पकलिहवा बस्ने २४ वर्षीय धिरज सिह राजपुतको मृत्यु भएको छ । दुर्घटनामा गम्भीर घाइते भएका उनको मेडिकल कलेज भैरहवामा उपचारको क्रममा मृत्यु भएको हो । दुवै सवारी साधन र पिकअप चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले थप अनुसन्धान गरिरहेको छ ।

आगलागीबाट विभिन्न धनमाल जलेर नष्ट

२०८०-०२-०८

प्युठान, ८ जेठ स्र्वर्गद्धारी नगरपालिका-२ धनवाङस्थित धैरेनी सामुदायिक वनमा लागेको आगो फैलिएर सोही नगरपालिका धनवाङ गाउँ बस्तीमा आइतबार दिउँसो आगलागी हुँदा ९ वटा घर र ४ वटा गोठ जलेर नष्ट भएको छ । आगलागीबाट भएको क्षतिको विवरण हाल खुलेको छैन । नेपाली सेना र नेपाल प्रहरीबाट खटिएको संयुक्त टोलीले स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा थप अनुसन्धान गरिरहेको छ ।

अवैध लागूऔषध सहित पक्राउ

२०८०-०२-०७

बाँके, कोहलपुर नगरपालिका-३ मैटहवाबाट अवैध लागूऔषध ब्राउन सुगरजस्तो देखिने पदार्थ करिब १ सय ७० मिलिग्रामसहित सोही ठाउँ बस्ने २६ वर्षीय अक्ष कुमार थारुलाई शनिबार दिउँसो प्रहरीले पक्राउ गरेको छ । प्रहरी बिट मदनचोकबाट खटिएको प्रहरीले उनलाई उक्त पदार्थसहित फेला पारी पक्राउ गरेको हो ।यस सम्बन्धमा प्रहरीले थप अनुसन्धान गरिरहेको छ ।

अवैध लागूऔषध सहित पक्राउ

२०८०-०२-०१

बर्दिया, गुलरिया नगरपालिका-९ गोडियनपुरबाट अवैध लागूऔषध ब्राउनसुगर जस्तो देखिने पदार्थ करिब ३ सय ६० मिलिग्रामसहित २ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरूमा गुलरिया नगरपालिका-९ टेपरी बस्ने ३० वर्षीय अवदेश यादव र भारत घर भएका २३ वर्षीय दिपक कुमार पासवान रहेका छन् । जिल्ला प्रहरी कार्यालय बर्दिया र ईलाका प्रहरी कार्यालय मथुराबाट खटिएको प्रहरीले भारतबाट नेपालतर्फ आउँदै गरेको युपि ४० आर ३४१५ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई उक्त पदार्थसहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।