अवैध लागूऔषधसहित विभिन्न स्थानबाट तीन जना पक्राउ

२०८०-०७-११

A
A^-
A⁺

बाँके,

कोहलपुर नगरपालिका-११ रेडक्रस रोडबाट अवैध लागूऔषध ब्राउनसुगर २ ग्रामसहित सोही नगरपालिका-६ बस्ने २० वर्षीय सुरेन्द्र चौधरी समेत २ जनालाई शुक्रबार राति प्रहरीले पक्राउ गरेको छ । विशेष सूचनाको आधारमा ईलाका प्रहरी कार्यालय कोहलपुरबाट खटिएको प्रहरी टोलीले उनीहरूलाई उक्त लागूऔषधसहित पक्राउ गरेको हो ।

यसैगरी बाँके, नेपालगंज उपमहानगरपालिका-१५ जमुनाहबाट नियन्त्रित लागूऔषध नाईट्राजेपाम ३ सय ट्याब्लेटसहित मुगु सोरू गाउँपालिका-९ बस्ने २६ वर्षीय प्रकाश मान शाहीलाई शनिबार दिउँसो प्रहरीले पक्राउ गरेको छ । ईलाका प्रहरी कार्यालय जमुनाह र लागूऔषध नियन्त्रण ब्यूरो नेपालगंज बाँकेबाट खटिएको संयुक्त टोलीले भारतबाट नेपालतर्फ आउँदै गरेका उनलाई उक्त लागूऔषधसहित पक्राउ गरेको हो । घटनाका सम्बन्धमा प्रहरीले आवश्यक अनुसन्धान गरिरहेको छ ।

सम्बन्धित समाचार

सुनका विभिन्न गरगहना चोरी

२०८१-१२-०८

दाङ, घोराही उपमहानगरपालिका-१८ फुर्सेखाली बस्ने शान्ता बस्नेतको घरबाट सुनका विभिन्न गरगहनाहरू समेत गरी करिब ११ लाख रूपैयाँ बराबरको धनमाल बिहीबार दिउँसो चोरी भएको छ । प्रहरीले चोरीमा संलग्न हाल फरार व्यक्तिहरूको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।

आगलागीबाट धनमाल जलेर नष्ट

२०८१-१२-०८

बर्दिया, राजापुर नगरपालिका-५ बस्ने ४२ वर्षीय मनकन्या चौलागाईको भान्साघर र गोठमा विद्युत सर्ट भई बिहीबार दिउँसो आगलागी हुँदा करिब १ लाख ९९ हजार रूपैयाँ बराबरको धनमाल जलेर नष्ट भएको छ ।

अवैध लागूऔषध सहित १ जना पक्राउ

२०८१-१२-०८

रूपन्देही, सियारी गाउँपालिका-१ सोनारेटबाट अवैध लागूऔषध ब्राउनसुगर जस्तो देखिने पदार्थ ६ ग्राम ५९ मिलिग्राम र नगद ३ हजार ९ सय ६० रूपैयाँ सहित तिलोत्तमा नगरपालिका-१२ मकर्हर बस्ने २५ वर्षीय विशाल नायकलाई बिहीबार साँझ प्रहरीले पक्राउ गरेको छ । प्रहरी चौकी चिल्हियाबाट खटिएको प्रहरीले उनलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

भ्यान सहित विभिन्न समान बरामद

२०८१-१२-०७

बाँके नेपालगंज उप-महानगरपालिका १२ मुक्तिपुर स्थित भन्सार छलि गरी ल्याई अबैध रुपमा राखिएको मारुती सुजुकी भ्यान सहित विभिन्न सामानहरु फेलापारी बरामद गरिएको छ । जिल्ल प्रहरी कार्यालय बाँकेबाट खटिएका प्रहरी टोलीले सोही ठाउँ बस्ने वर्ष ४२ को पदम गिरिको घरको कोठाको गोदाममा शंका लागी चेकजाँच गर्ने क्रममा उक्त समान सहित उनलाई नियन्त्रण लिएको हो । उक्त भ्यान सहित समानको जम्मा अन्दाजी मुल्य रु.६ लाख ५ हजार ७ सय ५ पाँच बाराबर रहेको छ । यस सम्बन्धमा थप अनुसन्धान भई रहेको छ ।

अवैध गाँजा सहित १ जना पक्राउ

२०८१-१२-०५

रूपन्देही, सिद्धार्थनगर नगरपालिका स्थित गौतम बुद्ध अन्तर्राष्ट्रिय विमानस्थल बाट अवैध लागूऔषध गाँजा जस्तो देखिने पदार्थ शुद्ध तौल ७ किलोग्रा ५०० ग्राम सहित सोमबार दिउँसो Thai Air Asia को उडान मार्फत थाइल्याण्को बैङ्ककबाट गौतम बुद्ध अन्तर्राष्ट्रिय विमानस्थल भैरहवामा आएकी (पासपोर्ट नं. X5250926) मुम्बई महाराष्ट्र ठेगाना भएकी महिला बर्ष अन्दाजी ४५ कि गुलनाज बैग (Gulnaz Baig) लाई प्रहरीले प्रकाउ गरेको छ । उक्त स्थानमा खटिएको प्रहरी टोलीले शंका लागी चेकजाँच गर्दा उक्त पदार्थ सहित उनलाई प्रकाउ गरेको हो । यस सम्बन्धमा आवश्यक अनुसन्धान भई रहेको छ ।

आगलागी बाट फुसले छाएको कच्ची घर जलेर नष्ट

२०८१-१२-०५

कपिलबस्तु, बुद्धभुमि नगरपालिका ७ नैहडिहवा स्थित रहेको उर्मीला देबि यादवको १ तल्ले फुसले छाएको कच्ची घरमा रहेको माटोको चुलोको आगोबाट अचानक आगोलागी हुन जाँदा सोहि स्थानमा रहेका अन्य ६ वटा फुसले छाएको घर जली नष्ट भएको छ । उक्त आगलागी बाट जम्मा अन्दाजी रु १४,३१००० (चौध लाख एकतिस हजार) बराबरको क्षेती भएको देखिएको छ । आगो प्रहरी टोली र स्थानियको सहयोगमा पूर्ण नियन्त्रणमा आएको हो । यस सम्बन्धमा आवश्यक अनुसन्धान भई रहेको छ ।