अवैध लागूऔषधसहित २ जना पक्राउ

२०८०-११-१४

A
A^-
A⁺

दाङ, घोराही उपमहानगरपालिका-१८ फुर्सेखालीबाट अवैध लागूऔषध ब्राउनसुगर जस्तो देखिने पदार्थ ४ सय ३० मिलिग्रामसहित २ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने ४० वर्षीय सनम कुमार बुढा र सोही उपमहानगरपालिका-१४ जनचेतना टोल बस्ने ३२ वर्षीय बिजय कुमार बुढा रहेका छन् । वडा प्रहरी कार्यालय घोराहीबाट खटिएको प्रहरीले सनमको घरको तलासी गर्ने क्रममा उक्त पदार्थ फेला पारी दुवै जनालाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

सम्बन्धित समाचार

आगलागीबाट १० वटा कच्चि फुसको छानो भएको घर जलेर पूर्ण रुपमा नष्ट

२०८१-१२-१३

बाँके, नरैनापुर गाउँपालिका ४ जैरामपुरवा बस्ने जुमै खाँ को फुसले छाएको एककोठे कच्चि घरबाट आगलागी शुरु भइ नजिकै रहेका १० वटा कच्चि (फुसको छानो भएको) १७ घर परिवारका व्यक्तिको घर जली नष्ट भएको छ । उक्त आगलागीबाट घर भित्र रहेको लत्ताकपडा,काठ,अन्नपात,भाडा वर्तन जलि नष्ट भई अन्दाजी ६०,००,०००।-(साठी लाख) बराबरको क्षेती भएको देखिएको छ । नेपाल प्रहरी, सशस्त्र प्रहरी, दमकल र स्थानियको सहयोगमा आगो पुर्ण रुपमा नियन्त्रणमा आएको हो । आगलागीको कारण नखुलेकोले प्रहरी टोलीबाट थप अनुसन्धान भईरहको छ ।

अवैध कुखुरा सहित गाडी नियन्त्रणमा

२०८१-१२-१३

बर्दिया, राजापुर नगरपालिका ४ शान्तिपुर स्थित गुलरियाबाट राजापुर तर्फ आउदै गरेको ग २ च २६४९ नं को बोलेरो जिपमा ५०० वटा लेस कुखुरा र भे २ स ४४९९नं अटो रिक्शामा १८ वटा बोइलर कुखुरा अबैध रुपमा भन्सार छलि ल्याउदै गरेको अवस्थामा इलाका प्रहरी कार्यालय राजापुर, बर्दियाबाट खटिएको प्रहरी टोलीले फेला पारी बरामद गरेको छ । उक्त बोलेरो गाडीको अन्दाजी मुल्य रु,६,००,०००।–(छ लाख),५०० पिस लेस कुखुराको अन्दाजी मुल्य रु,१,००,०००।–(एक लाख) अटोको अन्दजी मुल्य रु, १,००,०००।–(एक लाख),१८ पिस बोइलर कुखुराको अन्दाजी मुल्य रु,९०००(नौ हजार) गरी जम्मा अन्दाजी मुल्य रु, ८,०९०००।–(आठ लाख नौ हजार) बराबर रहेको छ । सवारी साधन र कुखुराहरु आबश्यक कारर्बाहीको लागी भन्सार कार्यालय गुलरिया बर्दियामा पठाईएको छ ।

अवैध लागूऔषध सहित २ जना पक्राउ

२०८१-१२-१३

बर्दिया, मधुबन नगरपालिका ४ ढोढरी स्थित हुलाकी सडक खण्डमा Tramadol hydrochloride capsule १ पत्ता १० गोलि coliban ६ पत्ता ५३ गोलि, Nitcor २ पत्ता १७ गोलि र Tramadol hydrochloride capsule ४ पत्ता २४ गोलि लागु औषध सहित जिल्ला बर्दिया गेरुवा गाउँपालिका ६ बस्ने बर्ष अन्दाजी १८ को अबि पोखरेल र सोही बस्ने बर्ष अन्दाजी १८ को सफल सिग्देललाई प्रहरीले प्रकाउ गरेको छ । इलाका प्रहरी कार्यालय ढोढरी, बर्दियाबाट खटिएको प्रहरी टोलीले सवारि साधन चेकजाँच गर्ने क्रममा उक्त औषध सहित उनीहरुलाई प्रकाउ गरेको हो । यस सम्बन्धमा थप अनुसन्धान भईरहेको छ ।

अवैध गाँजा सहित भारतीय नागरिक जना पक्राउ

२०८१-१२-१२

रूपन्देही, गौतम बुद्ध अन्तर्राष्ट्रिय विमानस्थल भैरहवाबाट अवैध लागूऔषध गाँजा जस्तो देखिने पदार्थ करिब १५ किलोग्राम सहित भारत रागवती हाउस कलिकेट केरला बस्ने ३४ वर्षीय रितेश कुमारलाई सोमबार दिउँसो प्रहरीले पक्राउ गरेको छ । थाई एयर एशियाको उडानद्वारा थाइल्याण्डको बैङ्ककबाट नेपाल आएका उनलाई गौतम बुद्ध अन्तर्राष्ट्रिय विमानस्थलको अन्तर्राष्ट्रिय टर्मिनलतर्फको एराइभल गेटनजिकैबाट नियन्त्रणमा लिइ तलासी गर्ने क्रममा उनको साथमा रहेको सुटकेसबाट उक्त पदार्थ फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अवैध लागूऔषध सहित २ जना पक्राउ

२०८१-१२-१२

रूपन्देही, बुटवल उपमहानगरपालिका-१७ रानिगञ्जबाट अवैध लागूऔषध ब्राउनसुगर जस्तो देखिने पदार्थ ३ ग्राम १ सय ८५ मिलिग्राम सहित २ जनालाई सोमबार बेलुकी प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २८ वर्षीय करण घर्ती मगर र २६ वर्षीय पवन केसी रहेका छन् । इलाका प्रहरी कार्यालय बुटवलबाट खटिएको प्रहरीले करणको घर तलासी गर्दा उक्त पदार्थ फेला पारी दुबै जनालाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

आगलागीबाट घर जलेर नष्ट

२०८१-१२-१२

रोल्पा, रुन्टिगढि गाउँपालिका वडा नं ६ धारापानी बस्ने लाल बहादुर बि.क.को दुई तले ४ कोठा भएको खरले छाएको घर र गोठमा सोमबार दिउँसो आगलागी हुदाँ घर पूर्ण रुपमा जली नष्ट भएको छ । उक्त आगलागी बाट मानविय चौपाय क्षति नभएको,घर पुर्ण रुपमा जलि नष्ट भएको,घरमा रहेको अन्नपात,भाँडा वर्तन,लत्ताकपडा र काठ गरी अन्दाजी (३,००,०००।-)तिन लाख बराबरको क्षति भएको देखिएको हो । आगलागी हुनुको कारण नखुलेकोले यस सम्बन्धमा थप अनुसन्धान भईरहेको छ ।