बाँके, २०७८ भाद्र १८

जिल्लाको नेपालगंज उप-महानगरपालिका वडा नं. २० राँझा विमानस्थलबाट ४ किलो २१.४९ ग्राम सुन जस्तो देखिने पहेलो बस्तु बरामद भएको छ । काठमाण्डौबाट नेपालगंज आउने १४:०० बजेको श्री एयर लाईन्सको SHA433 नं. को विमानमा सवार जिल्ला झापा साविक खादुनावारी गा.वि.स. वडा नं. ६ बस्ते वर्ष २६ का अमिर लगुन विश्वकर्मा र जिल्ला मोरङ साविक लेटाङ गा.वि.स. वडा नं.२ बस्ने वर्ष २६ को बुद्दीमान खातीलाई चेकजाँच गर्ने क्रममा अमिर लगुन विश्वकर्माले लगाएको दाँया बाँया जुत्ताभित्र रहेको सुन जस्तो देखिने २/२ थान विस्कुट र वुद्दीमान खातीले लगाएको दाँया बाँया जुत्ताभित्र रहेको सुन जस्तो देखिन १/१ थान विस्कुट गरी जम्मा ६ थान विस्कुट र वुद्दीमान खातीले बोकेको लेदरको कालो रंगको झोला चेकजाँच गर्दा सो झोला भित्र रहेको तिलहरी थान-१, बाला थान-१ गणेश लकेट थान-५ गरी जम्मा ४ किलो २१.४९ ग्राम सुन जस्तो पहेलो बस्तु अन्दाजी मुल्य ३,१३,२७,०००। बराबरको फेला पारी बरामद गरी घटनाको थप अनुसन्धान भै रहेको छ ।