प्युठान, ०३ कार्तिक,

प्युठान जिल्लामा खोलाले बगाएर तीन जना मानिसहरु बेपत्ता भएका छन् । कार्तिक १ गते देखि परेको अबिरल वर्षाका कारण माण्डवी गाउँपालिका वडा नं. ४ अरङखोलामा आएको बाढीले मिति २०७८।०७।०३ गते अन्दाजी ९:४५ बजेतिर खोला तर्ने क्रममा तीन जना मानिसरहरु वेपत्ता भएका हुन् । बेपत्ता हुनेमा जिल्ला प्युठान, माण्डवी गा.पा.-४ आँपचौर बस्ने टेक बहादुर कार्कीको श्रीमती बर्ष २८ की देवीसरा कार्की,    निजको छोरा बर्ष २ को दिनेश कार्की,  मधु अधिकारीको छोरी बर्ष ८ की अनुष्का अधिकारी रहेका छन् । निजहरुको खोजी कार्य जारी रहेको छ ।