प्रहरी कन्ट्रोल : १००, टोल फ्री नं.: १६६००१४१५१६
नेपा
EN

कपिलवस्तुबाट ५ थान लोड गरिएको भरुवा बन्दुक बरामद ।

२०७८-११-०२

  • A
  • A-
  • A+
Share

कपिलवस्तु, वाणगंगा नगरपालिका वडा नं. ९ चौवा बस्ने बर्ष ६० को राम समुझ थारुको गोठबाट ५ थान लोड गरिएको एक नाले भरुवा बन्दुकहरु बरामद गरिएको छ । मिति २०७८।११।०१ गते १३:१० बजेको  समयमा विशेष सूचनाका आधारमा राम समुझ थारुको गोठ खानतलासी गर्दा गोठको  छानो मुनि प्लास्टिकले छोपी लोड गरिएका ५ थान एक नाले भरुवा बन्दुकहरु लुकाई राखिएको अवस्थामा फेला परेका थिए । बरामद गरिएका भरुवा बन्दुकहरु र राम समुझ थारुलाई प्रहरीले नियन्त्रणमा लिई थप अनुसन्धान भई रहेको छ ।

सम्बन्धित समाचार
स्रोत नखुलेको रकमसहित पाँच जना पक्राउ
२०८०-११-२९

बाँके, नेपालगंज उपमहानगरपालिका-४ गणेशपुरस्थित संतोषी दङगाली होटलबाट स्रोत नखुलेको नगद ५७ लाख २८ हजार ७ सय नेपाली रूपैयाँ र ११ लाख भारतीय रूपैयाँसहित ३ जनालाई सोमबार साँझ प्रहरीले पक्राउ गरेको छ । पक्राउ पर्नेहरूमा सोही उपमहानगरपालिका-१६ बस्ने ३५ वर्षीय रोहित क्षेत्री, उक्त होटल संचालक दाङ तुलसिपुर उपमहानगरपालिका-९ बस्ने ४३ वर्षीय कृष्ण बहादुर विक र भारत बहराइज बस्ने ४१ वर्षीय राहुल जैसवाल रहेका छन् । जिल्ला प्रहरी कार्यालय बाँकेबाट खटिएको प्रहरीले होटल जाँच गर्ने क्रममा होटलको कोठामा झोलामा राखिएको उक्त नगदसहित फेला पारी उनीहरूलाई पक्राउ गरेको हो ।             यसैगरी, नेपालगंज उपमहानगरपालिका-२ पुष्पलाल चोकस्थित कालिका न्यू कर्णाली होटलबाट श्रोत नखुलेको नगद ३४ लाख नेपाली रूपैयाँ र ४ लाख ४० हजार भारतीय रूपैयाँसहित २ जनालाई सोमबार साँझ प्रहरीले पक्राउ गरेको छ । पक्राउ पर्नेहरूमा सोही उपमहानगरपालिका-१६ बस्ने ५० वर्षीय सलिम जोलाह र उनकै छोरा २८ वर्षीय आसिप जोलाह रहेका छन् । जिल्ला प्रहरी कार्यालय बाँकेबाट खटिएको प्रहरीले उनीहरूलाई उक्त नगदसहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।