बाँके, खजुरा गाँउपालिका वडा नं. १ बहादुरपुर बस्ने वर्ष २५ को  गल्क्षी भन्ने  रबिन्द्र थापाको साथबाट ९० (नब्बे) ग्राम लागूऔषध ब्राउनसुगर र अटोमेटिक पेस्तोल बरामद भएको छ ।

लागूऔषध कारोवार भइरहेको छ भन्ने विषेश सूचनाको आधारमा मिति २०७८।११।२२ गते अन्दाजी १९:२५ बजे प्रहरी टोलीले गल्क्षी भन्ने रबिन्द्र थापाको घर खानतलासी गर्ने क्रममा निजको साथबाट ९० (नब्बे) ग्राम लागूऔषध ब्राउनसुगर र निज सुत्ने कोठाबाट कालो कलरको म्याग्जिन नभएको अटोमेटिक पेस्तोल थान-१ फेला परेको छ । साथै, निजसंग कारोबार गर्ने जिल्ला बाँके खजुरा गाँउपालिका वडा नं. २ बस्ने बर्ष २७ को मनिस थापा, र नेपालगंज उपमहानगरपालिका वडा नं. १३ भृकुटीनगर बस्ने वर्ष २८ को सुरेश रोका मगर सहित तीनै जनालाई पक्राउ गरी थप अनुसन्धान भई रहेको छ ।