महाराजगंज नगरपालिका-२ पडरीया बस्ने बर्ष ६३ को अब्दुल हक मुसलमान र सोहि ठाउँ बस्ने निजको छोरा बर्ष २० को सम्साद मुसलमानले कुटपिट गरी मानिस मारेको अभियोगमा पक्राउ परेका छन् । मिति २०७९/०५/०६ गते १२:३० बजे सम्साद मुसलमान र अब्दुल हक मुसलमानले स्थानीय सिचाँई कुलोको विषयलाई लिएर सोहि ठाउँ घर भएका बर्ष ६८ को अब्दुल जब्बार धुनिया र  बर्ष ३८ को अब्दुल रहमानलाई कुटपिट गर्दा घाईते भएका थिए । घाईतेहरु मध्ये अब्दुल जब्बार धुनियाको जिल्ला अस्पताल तौलिहवामा उपचार भईरहेकोमा दिउँसो १३:२० बजे उपचारको क्रममा मृत्यु भएको छ । कुटपिट गर्ने सम्साद मुसलमान र अब्दुल हक मुसलमानलाई नियन्त्रणमा लिई प्रहरीले थप अनुसन्धान गरि रहेको छ ।