प्रहरी कन्ट्रोल : १००, टोल फ्री नं.: १६६००१४१५१६
नेपा
EN

कुटपिट गरी मानिस मारेको अभियोगमा २ जना पक्राउ

२०७९-०५-०६

  • A
  • A-
  • A+
Share

महाराजगंज नगरपालिका-२ पडरीया बस्ने बर्ष ६३ को अब्दुल हक मुसलमान र सोहि ठाउँ बस्ने निजको छोरा बर्ष २० को सम्साद मुसलमानले कुटपिट गरी मानिस मारेको अभियोगमा पक्राउ परेका छन् । मिति २०७९/०५/०६ गते १२:३० बजे सम्साद मुसलमानअब्दुल हक मुसलमानले स्थानीय सिचाँई कुलोको विषयलाई लिएर सोहि ठाउँ घर भएका बर्ष ६८ को अब्दुल जब्बार धुनिया बर्ष ३८ को अब्दुल रहमानलाई कुटपिट गर्दा घाईते भएका थिए । घाईतेहरु मध्ये अब्दुल जब्बार धुनियाको जिल्ला अस्पताल तौलिहवामा उपचार भईरहेकोमा दिउँसो १३:२० बजे उपचारको क्रममा मृत्यु भएको छ । कुटपिट गर्ने सम्साद मुसलमानअब्दुल हक मुसलमानलाई नियन्त्रणमा लिई प्रहरीले थप अनुसन्धान गरि रहेको छ । 

सम्बन्धित समाचार
पत्रकारसंग भेटघाट तथा अन्तरक्रिया कार्यक्रम सम्पन्न ।
२०७९-११-२९

मिति २०७९।११।२९ गते यस लुम्बिनी प्रदेश प्रहरी कार्यालयको आयोजनामा पत्रकारहरुसंग भेटघाट तथा अन्तरक्रिया कार्यक्रम सम्पन्न भयो । उक्त कार्यक्रममा छापा, रेडियो, टेलिभिजन, अनलाईन मिडियामा कार्यरत १८ जना संचारकर्मीहरु लगायत यस कार्यालयका प्र.ना.म.नि. टेक प्रसाद राई ज्यू, प्र.ब.उ. दिपक कुमार बस्नेत ज्यूका साथै अन्य सिनियर प्रहरी अधिकृत, जुनियर प्रहरी अधिकृतहरुको उपस्थिति रहेको थियो । अन्तरक्रिया कार्यक्रममा पत्रकारहरुले समयमै सूचना प्रवाहलाई जोड दिनु पर्ने कुरा राख्नु भयो भने प्र.ना.म.नि. ज्यूले सूचना प्रवाहमा देखिएका समस्यालाई समाधान गरी समयमै सूचना प्रवाह गर्ने कुरामा प्रतिवद्धता व्यक्त गर्नु भयो ।       

गण्डक नहरमा हाम फाली मृत्यु
२०७९-११-०९

जिल्ला नवलपरासी पश्चिम सुस्ता गाउँपालिका-२ हरकपुरा स्थित रहेको गण्डक नहरमा ऐ.२ महलबारी बस्ने तिर्थराम थारुको श्रीमती बर्ष अन्दाजी २९ कि (मानसिक सन्तुलन ठिक नभएको)  प्रतिमा थारुले आफ्नो दुई छोरा बर्ष ९ को क्रिश थारु र बर्ष ७ सुमित थारुलाई समेत साथमा लिई पानीमा हाम फाली  बेपत्ता भएको भन्ने खबर स्थानिय मार्फत प्राप्त हुनासाथ तत्काल प्रहरी टोली खटि गएको, स्थानीय र प्रहरीको सक्रियतामा खोज तलास गर्दा तिनै जनाको शव मृत अवस्थामा फेला पारी आवश्यक कार्य भईरहेको ।नोट:- निजको श्रीमान रोजगारीको शिलशिलामा भारत रहेको घरमा सासु दुई छोरा र निज महिला रहेको  ।