रुपन्देही रोहिणी गाउँपालिका वडा नं.-५ दरवा स्थितबाट मिति २०७९।०५।०६ गते २१:०० बजेको समयमा लागूऔषध सहित प्रहरीले ३ जनालाई पक्राउ गरेको छ । पक्राउ पर्नेहरूमा अटो चालक जिल्ला रुपन्देही देबदह नगरपालिका-१ बस्ने बर्ष २१ को  पर कुमार हरिजन, अटोमा सवार ऐ.ऐ. बस्ने बर्ष २३ को सुरज सहानी र अटोमा सवार ऐ.ऐ. बस्ने बर्ष २२ को दिनेश सहानी रहेका छन् । प्रहरीको चेकिंग टोलीले अटोलाई चेकजाँच गर्दा उनीहरुको साथबाट Diazspam lnjecton २० थान, Prememthazing Hydrachloride २० थान र नुफिन २० थान लागूऔषध बरामद गरेको छ । यस सम्बन्धमा प्रहरीले थप अनुसन्धान गरिरहेको छ ।