प्युठान, सरुमारानी गाउँपालिका-६ मोतिपुरस्थित सडकमा बिजुवारदेखि दाङतर्फ जाँदै गरेको लु.३ च ३८५५ नम्बरको पिकअप गाडी अनियन्त्रित भई आइतबार दिउँसो दुर्घटना हुँदा गाडीमा सवार दाङ लमही नगरपालिका-७ नयाँ बस्ती बस्ने २२ वर्षीय सत्यनारायण चौधरीको मृत्यु भएको छ । दुर्घटनामा गम्भीर घाइते भएका उनको जिल्ला अस्पताल बिजुवार प्युठानमा उपचारको क्रममा मृत्यु भएको हो । साथै दुर्घटनामा गम्भीर घाइते भएका गाडी चालक सहित २ जनाको लुम्बिनी सिटी अस्पताल बुटवलमा उपचार भइरहेको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।