पाल्पा, रैनादेबी छहरा गाउँपालिका-८ किउरेछेडास्थित सडकमा लु.१ च ९०२४ नम्बरको जिप सडकबाट करिब ४० मिटर तल खसेर आइतबार साँझ दुर्घटना हुँदा ५ जनाको मृत्यु भएको छ । दुर्घटनामा गम्भीर घाइते भएका अर्घाखाँची पाणिनि गाउँपालिका-२ पोखराथोक बस्ने २ वर्षीय संयोग गौतमको उपचारको लागि लैजाने क्रममा बाटोमै, सोही गाउँपालिका-१ बस्ने ४४ वर्षीय बिजय पोखरेलको भैरहवा मेडिकल कलेजमा उपचारको क्रममा र जिप चालक सोही गाउँपालिका-१ पडेना बस्ने २६ वर्षीय रमेश विकसमेत ३ जनाको घटनास्थलमै मृत्यु भएको हो । अन्य १० जना घाइतेमध्ये ५ जनाको लुम्बिनी प्रादेशिक अस्पताल, १ जनाको बुटवल सौराहामा र ४ जनाको भैरहवा मेडिकल कलेजमा उपचार भइरेको छ ।