दाङ, लमही नगरपालिका-७ पदमिनी खोला नजिकै सडकमा रोकी राखेको लु.१ ख ९३५२ नम्बरको ट्रकमा लु.प्र.०१-००२ प ११४८ नम्बरको मोटरसाइकल ठक्कर खाई सोमबार राति दुर्घटना हुँदा मोटरसाइकल चालक सोही नगरपालिका-४ भुरीपुर घर भएका २६ वर्षीय गणेश चौधरीको मृत्यु भएको छ । दुर्घटनामा गम्भीर घाइते भएका उनको लमही अस्पतालमा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ । दुर्घटना  सम्बन्धमा प्रहरीले आवश्यक अनुसन्धान गरिरहेको छ ।