गुल्मी, चन्द्रकोट गाउँपालिका ५ जोगिस्थान बस्ने बर्ष २९ की बँसन्ती कुँवरको ढुङगा माटोले बनेको खरले छाएको एक तले कच्ची गोठमा अचानक आगोलागी हुँदा गोठ पुर्ण रुपमा जली नष्ट भएको हो । सोही आगो तँही बस्ने बर्ष ४० की सिता कुँवरको ढुङगा माटोले बनेको खरले छाएको दुइ तले कच्चि घरमा आगो लागी हुँदा पुर्ण रुपमा जली नष्ट भएको हो । उक्त आगो लागी बाट  मानबिय तथा पशु चौपाय क्षती नभएको तर  घरमा भएको अन्न पात लता कपडा जली अन्दाजी रु.३,५०,०००।–( तिन लाख पचास हजार)  बराबरको क्षती भएको छ । सो आगो इलाका प्रहरी कार्यालय चन्द्रकोट, गुल्मीबाट खटिएको प्रहरी टोली र स्थानियको सहयोगमा आगो पुर्ण रुपमा नियन्त्रणमा लिएको हो ।यस सम्बन्धमा आवश्यक अनुसन्धान भई रहेको छ ।