बर्दिया, बाँसगढी नगरपालिका-३ लखना घर भई सोही नगरपालिका-३ लखना चोकस्थित निशान मोबाइल सेन्टर संचालन गरी बस्ने २३ वर्षीय निशान चन्द्रको मोबाइल पसलमा विद्युत सर्ट भई सोमबार राति आगलागी हुँदा मोबाइल, ल्यापटप, इनभर्टर लगायतका इलेक्ट्रोनिक सामानहरू जलेर करिब ९ लाख रूपैयाँ बराबरको धनमाल नष्ट भएको छ । प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।