बाँके, नेपालगंज उपमहानगरपालिका-१९ आलानगरस्थित सडकमा कन्ठिपुरदेखि आलानगरतर्फ जाँदै गरेको भे.१२ प ९८०२ नम्बरको मोटरसाइकल शुक्रबार राति दुर्घटना हुँदा चालक सोही उपमहानगरपालिका-१९ कन्ठिपुर बस्ने ३८ वर्षीय मोहन लाल कामीको मृत्यु भएको छ । दुर्घटनामा गम्भीर घाइते भएका उनको नर्सिङ होम नेपालगंजमा उपचारको क्रममा मृत्यु भएको   हो । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।