दाङ, तुलसीपुर उपमहानगरपालिका-१७ स्थित फोर्टिनाइन चोकबाट अवैध लागूऔषध ब्राउनसगुर जस्तो देखिने पदार्थ २ ग्राम ३ सय ४० मिलिग्राम र ३ थान मोबाइल सहित २ जनालाई बुधबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २७ वर्षीय सुधन नेपाली र २८ वर्षीय बिरन नेपाली रहेका छन् । इलाका प्रहरी कार्यालय तुलसीपुरबाट खटिएको प्रहरीले उनीहरूलाइ उक्त पदार्थ सहित पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ ।