"श्रोत नखुलेको ४२ लाख ९० हजार ४४४ रुपैया सहित मानिस पक्राउ"

२०८२-०१-१४

A
A^-
A⁺

कपिलवस्तु, वडा प्रहरी कार्यालय चन्द्रौटाबाट खटिएको प्रहरी टोलीले मिति २०८२।०१।१४ गते अं.१५:०० बजेको समयमा जिल्ला कपिलवस्तु शिवराज नगरपालिका वडा नं. ५ ग्यालेक्सी टोल स्थित महेश बरईको घरमा डेरा गरी बस्ने शिवा पटवा भन्ने आशिष कुमारसँग स्रोत नखुलेको नेपाली तथा भारतिय रुपैया रहेको भन्ने गोप्य सुचनाको आधारमा उक्त स्थानमा प्रहरी टोली खटिई जाँदा देश भारत बलरामपुर जिल्ला तुल्सीपुर ठाना सोनपुर ग्राम तहसिल तुल्सीपुर बस्ने बर्ष अन्दाजी २२ को शिवा पटवा भन्ने आशिष कुमारलाई शंकास्पद अवस्थामा फेला पारी निजको शरीर र निज भाडामा बस्दै आएको कोठामा रित पूर्बक खानतलासी गर्दा नेपाली रुपैया ४२,६३,९००।- (बयालिस लाख त्रिसठ्ठी हजार नौ सय मात्र) का नोटहरु तथा भारतिय रुपैया २६,५४४।- (भा.रु. छब्बिस हजार पाच सय चौवालिस ) का नोटहरु गरी कुल रकम एक मुष्ट नेपाली रुपैया ४२,९०,४४४। (ने.रु. बयालिस लाख नब्बे हजार चार सय चौवालिस) रुपैया र रुपैया गन्ने मेसिन थान-१ बरामद गरी माथि उल्लेखित भारतीय र नेपाली रुपैया सहित मानिसलाई नियन्त्रणमा लिई थप अनुसन्धान भईरहेको छ ।

सम्बन्धित समाचार

अवैध लागूऔषध सहित विभिन्न स्थानबाट ४ जना पक्राउ

२०८२-०२-१८

बाँके, नेपालगंज उपमहानगरपालिका-६ रामनगर शिवमन्दिर नजिकबाट अवैध लागूऔषध ब्राउनसुगर जस्तो देखिने पदार्थ १७ ग्राम सहित २ जनालाई शनिबार राति प्रहरीले पक्राउ गरेको छ । पक्राउ पर्नेहरूमा सोही उपमहानगरपालिका-१३ लोनियनपुर बस्ने १९ वर्षीय बिक्रम घरूक र डुडुवा गाउँपालिका-६ बस्ने २० वर्षीय सुनिल खटिक रहेका छन् । लागूऔषध नियन्त्रण ब्यूरो शाखा कार्यालय नेपालगंज र वडा प्रहरी कार्यालय नेपालगंजबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । यसैगरी बाँके, नेपालगंज उपमहानगरपालिका-१५ जमुनाहबाट अवैध लागूऔषध ब्राउनसुगर जस्तो देखिने पदार्थ ८ सय मिलिग्राम र मोबाइल २ थान सहित कोहलपुर नगरपालिका-५ एनसिसि चोक बस्ने २५ वर्षीय सुरेश मल्ललाई शनिबार दिउसो प्रहरीले पक्राउ गरेको छ । लुम्बिनी प्रदेश प्रहरी कार्यालय दाङबाट खटिएको प्रहरीले भारतबाट नेपालतर्फ पैदल आउँदै गरेका उनलाई उक्त पदार्थ सहित पक्राउ गरेको हो । बर्दिया, बढैयाताल गाउँपालिका-७ कण्ठपुरबाट अवैध लागूऔषध ब्राउनसुगर जस्तो देखिने पदार्थ ४ सय मिलिग्राम सहित बाँसगढी नगरपालिका-५ बाँसगढी बजार बस्ने ३८ वर्षीय युवराज पौडेललाई शनिबार दिउसो प्रहरीले पक्राउ गरेको छ । इलाका प्रहरी कार्यालय मैनापोखर र प्रहरी चौकी कालिकाबाट खटिएको प्रहरीले भारतबाट नेपालतर्फ साइकलमा आउँदै गरेका उनलाई उक्त पदार्थ सहित फेला पारी पक्राउ गरेको हो । यस सम्बन्धमा थप अनुसन्धान भई रहेको छ ।

आगलागीबाट विभिन्न धनमाल जलेर नष्ट

२०८२-०२-१८

रूपन्देही, तिलोत्तमा नगरपालिका-५ मणिग्राम चोकस्थित छहारी क्लब हाउस एण्ड बैंङक्वेट प्रालिमा विद्युत सर्ट भई शनिबार दिउसो आगलागी हुँदा करिब २ करोड ५० लाख रूपैयाँ बराबरको धनमाल जलेर नष्ट भएको छ । प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।

करेन्ट लागेर १ जना मृत्यु

२०८२-०२-१८

प्युठान, ऐरावती गाउँपालिका-५ बालबिसौना बस्ने २७ वर्षीय दिपक नेपालीको करेन्ट लागेर शनिबार दिउसो मृत्यु भएको छ । सोही गाउँपालिका-५ झिवाङस्थित झिमरूक खोलामा ब्याट्रीबाट माछा मार्ने क्रममा ब्याट्रीको तार सर्ट भई करेन्ट लागेर गम्भीर घाइते भएका उनको जिल्ला अस्पताल बिजुवारमा उपचारको क्रममा मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।

अवैध लागूऔषध सहित १ जना पक्राउ

२०८२-०२-१७

बर्दिया, बाँसगढी नगरपालिका-१ चेपाङस्थित सडकबाट अवैध लागूऔषध ब्राउनसुगर जस्तो देखिने पदार्थ १३ ग्राम ७ सय ४० मिलिग्राम सहित दैलेख नारायण नगरपालिका-२ बस्ने ३० वर्षीय योगेश सिजापतिलाई शुक्रबार दिउसो प्रहरीले पक्राउ गरेको छ । प्रहरी चौकी चेपाङबाट खटिएको प्रहरीले नेपालगंजबाट सुर्खेततर्फ आउँदै गरेको कर्णाली प्रदेश ०२-००१ ज ०६९१ नम्बरको फोर्स गाडीमा सवार उनलाई उक्त पदार्थ फेला पारी पक्राउ गरेको हो । यस सम्बन्धमा थप अनुसन्धान भई रहेको छ ।

अवैध लागूऔषध सहित २ जना पक्राउ

२०८२-०२-१६

रूपन्देही, मायादेवी गाउँपालिका-१ अहिरैलीबाट अवैध लागूऔषध ब्राउनसुगर जस्तो देखिने पदार्थ २० ग्राम सहित २ जनालाई बिहीबार राति प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने ३५ वर्षीय राजेश कहार र २६ वर्षीय गोबिन्द लोध रहेका छन् । लागूऔषध नियन्त्रण ब्यूरो शाखा कार्यालय भैरहवाबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अवैध लागूऔषध सहित २ जना पक्राउ

२०८२-०२-१५

बाँके, नेपालगंज उपमहानगरपालिका-१५ जमुनाहबाट अवैध लागूऔषध ब्राउनसुगर जस्तो देखिन पदार्थ करिब ३ ग्राम ५ सय ९० मिलिग्राम सहित २ जनालाई बुधबार दिउसो प्रहरीले पक्राउ गरेको छ । पक्राउ पर्नेहरूमा कोहलपुर नगरपालिका-१० बस्ने ३७ वर्षीय ठाकुर प्रसाद खत्री र सोही नगरपालिका-२ बस्ने २२ वर्षीय अमृत चन्द रहेका छन् । लागूऔषध नियन्त्रण ब्यूरो शाखा कार्यालय नेपालगंज, लुम्बिनी प्रदेश प्रहरी कार्यालय दाङ र इलाका प्रहरी कार्यालय जमुनाहबाट खटिएको प्रहरीले भारतको रूपैडियाबाट नेपालगंजतर्फ आउँदै गरेका उनीहरूलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।