रूपन्देही, बुटवल उपमहानगरपालिका-१० रामनगरस्थित सडकमा बुटवलबाट बर्दघाटतर्फ आउँदै गरेको लु.२ ख ७०४९ नम्बरको बसले लु.४४ प ९२९४ नम्बरको मोटरसाइकललाई मंगलबार बिहान ठक्कर दिँदा मोटरसाइकलमा सवार सोही उपमहानगरपालिका-११ देवीनगर बस्ने ५८ वर्षीया जमुना पुनको मृत्यु भएको छ । दुर्घटनामा गम्भीर घाइते भएकी उनको लुम्बिनी प्रादेशिक अस्पतालमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकल चालकको सोही अस्पतालमा उपचार भइरहेको छ ।  प्रहरीले बस चालकलाई नियन्त्रणमा लिई दुर्घटनाका सम्बन्धमा आवश्यक अनुसन्धान गरिरहेको छ ।