पाल्पा, तिनाउ गाउँपालिका-५ चर्चरेस्थित सडकमा लु.४ त २८०२ नम्बरको ट्याक्टरले किचेर ट्याक्टरका सहचालक  सोही ठाउँ बस्ने २० वर्षीय खुम बहादुर रास्कोटीको बुधबार साँझ मृत्यु भएको छ । उक्त स्थानमा रोकी राखेको उक्त ट्याक्टर आफै ब्याक हुँदा ट्याक्टरमा ओट लगाउने क्रममा किचेर गम्भीर घाइते भएका उनको लुम्बिनी मेडिकल कलेज प्रभाषमा उपचारको क्रममा मृत्यु भएको हो । ट्याक्टर चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।