कार्यक्रममा आसरा सुधार केन्द्र काठमाण्डौका प्रशिक्षकद्वय सम्राट नरसिंह प्रधान र गौरव सिरोहियाले लागू औषध दुर्व्यसन नियन्त्रण, लैंगिक हिंसा न्यूनीकरण तथा मानसिक स्वास्थ्य सम्बन्धमा सचेतनामूलक प्रशिक्षण तथा मनोपरामर्श, गन्धर्व समाज दाङका हेमराज गन्धर्व लगायत कलाकार समुहद्वारा सचेतनामूलक सांगितिक प्रस्तुती, प्रहरी कर्मचारीहरुद्वारा सचेतनामूलक नाटक तथा सांगितिक प्रस्तुतिकरण दिनुको साथै कार्यक्रममा प्रमुख अतिथि, विशिष्ट अतिथि तथा अतिथिज्यूहरुबाट लागू औषध तथा लैंगिक हिंसा न्यूनीकरण सम्बन्धमा सचेतनामूलक मन्तव्य व्यक्त गर्नु भएको हो । जिल्ला प्रहरी कार्यालय दाङका कार्यालय प्रमुख प्रहरी उपरीक्षक अर्जुन प्रसाद तिमिल्सिनाको स्वागत मन्तव्यबाट सुरु भएको कार्यक्रमको सहजिकरण जिल्ला प्रहरी कार्यालय दाङका प्रहरी निरीक्षक कविराज रोकायले गर्नु भएको थियो ।