रूपन्देही, लुम्बिनी साँस्कृतिक नगरपालिका-७ शिवगढिया चोकस्थित सडकमा लुम्बिनी बिकास कोषको १२ नम्बरको गेटबाट लोखडियातर्फ जाँदै गरेको युपि ५० सिएस १७७० नम्बरको मोटरसाइकल अनियन्त्रित भई सोमबार राति दुर्घटना हुँदा चालक भारत अजमगढ बस्ने ४० वर्षीय फिरोज अहम्मदको मृत्यु भएको छ । दुर्घटनामा गम्भीर घाइते भएका उनको भिम अस्पताल भैरहवा उपचारको क्रममा मृत्यु भएको हो । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।