रूपन्देही, गैडहवा गाउँपालिका-६ गुलरियास्थित सडकमा मंगलपुरबाट कलोनितर्फ जाँदै गरेको लु.७४ प ४६२१ नम्बरको मोटरसाइकल अनियन्त्रित भई सोमबार दिउँसो दुर्घटना हुँदा चालक सोही गाउँपालिका-५ गिदहिया बस्ने २१ वर्षीय करण कोहारको मृत्यु भएको छ । दुर्घटनामा गम्भीर घाइते भएका उनको सिटी अस्पताल भैरहवामा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार १ जनाको सोही अस्पतालमा उपचार भइरहेको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।