दाङ, तुलसीपुर उपमहानगरपालिका-१५ मलवारस्थित सडकमा लु. प्र-०२-००१ प ३३९३ नम्बरको मोटरसाइकलको ठक्करबाट सोही ठाउँ बस्ने ७६ वर्षीया विष्णु कुमारी रेग्मीको शनिबार दिउँसो मृत्यु भएको छ । ठक्करबाट गम्भीर घाइते भएकी उनको नर्सिङहोम नेपालगंज बाँकेमा थप उपचारको क्रममा मृत्यु भएको हो । मोटरसाइकल चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।