लागूऔषध सहित २ जना पक्राउ
२०८२-०४-१६
- A
- A-
- A+
बाँके, नेपालगंज उपमहानगरपालिका-१५ हड्डी चोकबाट अवैध लागूऔषध ब्राउनसुगर जस्तो देखिने पदार्थ करिब १ सय ९० मिलिग्राम सहित २ जनालाई बिहीबार साँझ प्रहरीले पक्राउ गरेको छ । पक्राउ पर्नेहरूमा जानकी गाउँपालिका-३ बस्ने ३० वर्षीय सुरेन्द्र कुमार गुप्ता र २२ वर्षीय मिथ्लेस पासी रहेका छन् । इलाका प्रहरी कार्यालय जमुनाह र लागूऔषध नियन्त्रण ब्यूरो शाखा कार्यालय नेपालगंजबाट खटिएको प्रहरीले भारतबाट नेपालतर्फ आउँदै गरेको ने.१ ह ३७४० नम्बरको ईरिक्सामा सवार उनीहरूलाई उक्त पदार्थ सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।