प्युठान, प्युठान नगरपालिका-७ धरमपानी बस्ने ३० वर्षीय बिष्णु सुनारको सोही ठाउँस्थित झिमरूक खोलामा डुबेर शुक्रबार दिउँसो मृत्यु भएको छ । डुबेर बेपत्ता भएको भन्ने खबर प्राप्त हुनासाथ इलाका प्रहरी कार्यालय बिजुवार र अस्थायी प्रहरी पोष्ट बाग्दुला समेतबाट खटिएको प्रहरीले खोजी गर्ने क्रममा प्युठान नगरपालिका-४ स्थित झिमरूक खोला र जुम्री खोलाको बिच टापुमा उनको शव फेला परेको हो ।  

बाँके, खजुरा गाउँपालिका-६ गिजरा बस्ने भुपेन्द्र सुनारको छोरा ८ वर्षीय संगित सुनारको सोही ठाउँस्थित नालामा डुबेर शनिबार बिहान मृत्यु भएको छ । पौडी खेल्ने क्रममा डुबेर अशक्त भएका उनको बाँके सिटी अस्पतालमा उपचारको क्रममा मृत्यु भएको हो ।

यस सम्बन्धमा प्रहरीले आवश्यक अनुसन्धान गरिरहेको छ ।