प्रहरी कार्यालय
दाङ १२ भाद्र, दाङ, गढवा नगरपालिका वडा नं. ७ ज्वती सामुदायिक बनबाट राम बहादुर चौधरीलाई भरुवा बन्दुक, बारुद, केप, फलामको गोली र छर्रा सहित पक्राउ गरिएको छ । मिति २०७९।०५।११ गते १८:४० बजे ज्वती सामुदायिक बनमा शिकार खेल्न गएको भन्ने विशेष सूचनाको आधारमा ईलाका प्रहरी कार्यालय गढवाबाट प्र.नि. रन्जु के.सी. को कमाण्डमा ७ जनाको टोली खटि गएको थियो । प्रहरी टोलीले जिल्ला दाङ, राजपुर गाँउपालिका वडा नं. १ कठबेरुवा बस्ने बर्ष ४२ को राम बहादुर चौधरीबाट लोड गरेको भरुवा बन्दुक थान १ (एक नाले), बारुद १०० ग्राम, केप थान ४ , फलामको गोलि १९ वटा र फलामको छर्रा १२६ वटा बरामद गरेको छ । बरामद भएको भरुवा बन्दुक लगायतका सामान सहित निज राम बहादुर चौधरीलाई नियन्त्रणमा लिई थप अनुसन्धान गरिरहेको छ ।
बर्दिया १२ भाद्र, बर्दिया, बासगढी नगरपालिका वडा नं. ६ सतरिया बस्ने वर्ष ६५ की मानसी थारुको नालामा डुबी मृत्यु भएको छ । मिति २०७९।०५।११ गते १०:०० बजे घरबाट बाहिर गएकोमा १७:२० बजे घर नजिकै रहेको सतरिया नालामा डुबी मृत अवस्थामा फेला परेकी थिइन । प्रहरीले घटनाको थप अनुसन्धान गरिरहेको छ ।
