प्रहरी कन्ट्रोल : १००, टोल फ्री नं.: १६६००१४१५१६
नेपा
EN
लुम्बिनी प्रदेश प्रहरी तालिम केन्द्र बुटवल रुपन्देही - हाम्रो बारेमा

हाम्रो बारेमा

नेपाल प्रहरीलाई आवश्यक पर्ने दक्ष तथा कुशल प्रहरी जनशक्ति उत्पादन गर्ने उद्देश्यले वि.सं. २०३३ साल मंसिर २४ गते पश्चिम क्षेत्रिय प्रहरी तालिम केन्द्रको नामबाट स्थापना भएको यस केन्द्रमा तत्काल ५० जना प्रहरी कर्मचारी र ५० जना प्रशिक्षार्थी प्रहरी जवानको दरबन्दी रहेको थियो । यस केन्द्रका प्रथम कमान्डेन्टको रुपमा प्रहरी निरीक्षक कृष्णमान श्रेष्ठले जिम्मेवारी पाएका थिए । यस तालीम केन्द्रलाई बि.सं. २०३५ सालमा प्रनाउ, बि.स.२०४९ सालमा प्रहरी उपरीक्षक प्रमुख रहने गरि स्तरोन्नती गरिएको थियो भने बि.सं. २०६८ सालमा सवै क्षेत्रिय प्रहरी तालीम केन्द्रको प्रमुखमा प्रहरी वरिष्ठ उपरीक्षकको दरवन्दी सृजना भएसंगै यस केन्द्रमा समेत समादेशकको रुपमा प्रहरी वरिष्ठ उपरीक्षकले कमाण्ड गर्दै आईरहेका छन् ।

वि.सं २०७७ सालमा लुम्बिनी प्रदेश प्रहरी तालिम केन्द्रको नाममा रुपान्तरण भएको यस केन्द्रले कुल १७ विगाहा १० कठ्ठा पौने ४ धुर जग्गा चर्चेको छ  । यो केन्द्र लुम्बिनी प्रदेश, रुपन्देही जिल्लाको बुटवल उ.म.न.पा.वडा नं. १० स्थित पुर्व पश्चिम राजमार्ग सडकखण्ड अन्तर्गत बुटवलको चौराहा नजिक अवस्थित रहेको छ । सुरुवाती चरणमा सीमित स्रोत–साधनका बिच नवप्रवेशी प्रहरी जवानहरूलाई आधारभूत तालिम प्रदान गरिरहेको यस तालिम केन्द्रलाई समयको गतिसँगै आफ्नो कार्यक्षेत्र, क्षमता र व्यावसायिक भूमिकालाई विस्तार गर्दै बदलिँदो सुरक्षा चुनौती, प्रहरी सेवाको बढ्दो व्यावसायिकता तथा दक्ष जनशक्तिको आवश्यकतालाई आत्मसात गर्दै क्रमशः सेवाकालीन तालिमहरू समेत सञ्चालन गर्न सक्ने सक्षम तालिम प्रदायक संस्थाका रूपमा विकास गरिएको छ । 

संगठनात्मक संरचना




Card image cap
Daya Nidhi Gyanwali

Senior Superintendent of Police