असार ०४, बिहान अन्दाजी ०६:०० बजेको समयमा जिल्ला रूपन्देही सियारी गा.पा. वडा न.१ मधुवन स्थित प्र.चौ.चिलिया रूपन्देहीबाट खटिगएको प्रहरी टोलीले चेकिङ गर्ने क्रममा जिल्ला रूपन्देही रोहिणी गा.पा. वडा न. ६ बस्ने वर्ष ४६ को साहिद अली, ऐ. बस्ने वर्ष २२ को चन्द्र शेखर हरिजन र ऐ. बस्ने वर्ष १४ को नपिस खानले अवैध रुपमा नेपाल बाट भारत तर्फ लैजाँदै गरेको ३४ वटा गाई र लु ७३ प ३४१ नम्बरको मोटरसाइकल सहित तिनै जनालाई नियन्त्रणमा लिई वडा प्रहरी कार्यालय भैरहवा रूपन्देहीमा राखी थप आवश्यक अनुसन्धान भइरहेको ।