कपिलवस्तु, कृष्णनगर नगरपालिका-३ झण्डेनगरबाट खटिएको प्रहरी टोलीले मिति २०८१।१०।२६ गते अंदाजी २१:४० बजे जिल्ला कपिलवस्तु कृष्णनगर नगरपालिका-३  लक्ष्मीनगर बस्ने बर्ष १९ को अब्दजय द्दीन कुरैसीलाई हिंडिरहेको अबस्थामा शंकास्पद लागी निजको शरिर खानतलासी गर्दा निजले लगाएको कालो ज्याकेटको अगाडीको दाँया तर्फको गोजीमा लुकाई छिपाई राखेको प्लाष्टिकको पोका भित्र सेतो कापिको कागजको ०२ (दुई) वटा पुडिया रहेको र खोली हेर्दा लागु औषध ब्राउन सुगर जस्तो देखिने खैरो धुलो पदार्थ कागज सहितको एकमुस्ट तौल गर्दा ३०० (तीन सय) मिलि ग्राम रहेको थियो । उक्त तौल मध्येबाट कागजको टुक्राको तौल घटाँउदा शुद्ध तौल १६०(एक सय साठ्ठी) मिलिग्राम लागु औषध ब्राउन सुगर जस्तो देखीने खैरो धुलो पदार्थ फेला पारी निजलाई नियन्त्रणमा लिई इलाका प्रहरी कार्यालय कृष्णनगर कपिलवस्तुमा ल्याई राखिएको छ । यस सम्बन्धमा थप अनुसन्धान कार्य भैरहेको छ ।